努瓦斯

阿布•努瓦斯 Abu Nuwas
由紀伯倫•哈利勒•紀伯倫喺1916年繪製嘅阿布•努瓦斯畫像。
出世	756
死	814年（57–58歲）
職業	詩人

阿布•努瓦斯（阿拉伯文：ابونواس‎；波斯文：ابونواس ；拉丁化：Abū-Nuwās，756年—814年^a ）係阿拉伯詩人。

佢喺波斯阿瓦士出世，巴士拉長大，有波斯同阿拉伯血統。細個嗰陣試過跟香料商學藝，但志在詩文。後喺巴士拉同庫法求學，先後向詩人瓦利卜•伊本•侯巴蔔同海萊夫•艾哈邁爾拜師。佢研讀過《古蘭經》、聖訓，通曉阿拉伯文法、修辭、詩律。初初去巴格達阿拔斯王朝王宮個陣，同一啲大臣多有牽連，喺政局發生突變時去埃及避難。30歲嗰陣輾轉返巴格達，寫咗多篇頌詩，博到哈倫•拉希德同艾敏兩位哈里發嘅賞識，成為宮廷詩人。成日作飲酒歌，有「酒詩人」之稱。思想豁朗，性格豪放，主張充分享受現實人生嘅歡樂，反對宗教禁欲同苦行。詩作題材廣泛，除咗歌頌阿拔斯朝廷同勸善嘅詩篇之外，尤以讚美青春、美酒、愛情嘅抒情詩同描寫宮殿、花園嘅寫景詩以同調侃權貴、嘲弄群小嘅諷刺詩最出名。語法嚴謹，辭藻優美，熱情奔放，富於想像，詼諧生動，突破咗傳統詩歌嘅題材同形式，為阿拉伯詩歌嘅發展開闢咗新天地，對當時同後世嘅詩人好大影響。阿拉伯文學評論界覺得佢係阿拉伯文學黃金時代最偉大嘅新派詩人。遺留嘅詩篇經10世紀文學家伊斯巴哈尼搜集整理，傳世嘅有超過12000句。《一千零一夜》入面記載咗好多佢同哈里發哈倫•拉希德幽默有趣嘅故事。

參考

<references>