包輸

出自維基百科,自由嘅百科全書

包輸係一個麻雀術語,即係話喺打麻雀有人食餬嗰陣,拎住餬牌嗰個人就可以根據餬牌嘅數去贏相應嘅分數或者籌碼,而負責輸呢啲分數或者籌碼,就叫做包輸

包輸有好多種唔同形式,最常見嘅係出銃,出銃嗰個人,即係掉出令人食餬張牌嗰個人要包輸。另外,如果係自摸食餬,噉通常都係三家均分,不過某啲情況畀人覺得唔應該齊齊輸,所以亦設咗一啲例外,好似「九章落地」、「全字包」、「五子包生」……等等。

九章落地[編輯]

如果有人一路掉牌畀某一家係噉上或者碰(係唔係指同一個人?未明),一路開牌到第三搭,即係已經開到第九章(第九隻牌),噉如果最後自摸食餬,就要由一直畀呢家上或者碰嗰個人包輸,而唔係同平時自摸咁由三家均分。不過「九章落地」呢種自摸由一個人包輸嘅情況計,就只限清一色先算,混一色或者其他各番種都唔算。但如果係出銃,仍然係由出銃嗰個人包輸。

全字包[編輯]

同清一色九章落地一樣,如果有人畀中、發、白,東、南、西、北,直到開出第九章牌時,咁最後就算自摸食餬,都係由畀牌人食餬嗰人包輸。不過小三元或者小四喜都唔使一個人包輸,只係大三元或者大四喜先算。但如果係出銃,仍然係由出銃嗰個人包輸。

十二章包自摸[編輯]

如果有人一路掉牌畀一家係咁上或者碰,一路開牌到第三搭,即係已經開到第九章牌時,仍然重上畀同一家開到第四搭即第十二章(所以又叫做十二章包輸),咁如果最後自摸食餬,就要由一直畀呢家上或者碰嗰個人包輸,而唔係同平時自摸咁由三家均分。「十二章包自摸」同「九章落地」唔同,十二章包自摸唔一定要清一色先算,混一色或者其他各餬種都計,但係就一定要包到尾,包足十二章先算,而九章落地同全字包就只需要包九章都可以計。但如果係出銃,仍然係由出銃嗰個人包輸。

五子包生[編輯]

喺傳統麻雀牌例入面,通常都會留返最尾七戙,即十四隻牌,摸埋尾七戙有無人食餬都好,都算完咗一局。所以最後一隻牌通常係「有上無落」,即係話摸完最後一隻牌,要掉出去,有無人食都好,咁先算打完一局。

但係如果你打到最後,打出一隻生章出嚟,生章即係一隻從來無人打出嘅牌,因為打出咗嘅牌放係枱面,如果唔係盲嘅話都應該睇到,而未打出嘅牌有可能因為有人拎住兩隻等碰或者上之類所以見唔到。

而喺最後一隻牌有人打生章而令到有人有機會食餬,咁打生章嗰個人就要包輸。

例如講,如果只係普通出銃,咁出銃嗰個自然係要包輸,但如果打出嘅生章會令人上槓,係上槓後再摸隻牌而食餬,又或者畀人搶槓食餬而令其他人輸牌,咁都係要由返打出生章嗰個人包輸。

七子包翻[編輯]

侷打唔包輸[編輯]

如果有人一路打牌畀某一家上或者碰,一直到第九章牌時,本來就唔應該再打同一種牌,例如話你一路打萬子,而下家一路上或者碰,直到第九章牌時,你再打萬子而令下家再上到第十二章,最後令人自摸食餬嘅話,本來係要一直打畀人上嗰個一個人包輸,但有一個例外,就係你開出手上副牌,畀人睇到你根本無辦法唔掉出去畀人上,咁叫做侷打,即係唔打唔得,咁就唔使一個人包輸。

例如講,你一直包緊萬子畀某一家,最後十二章落地重畀人自摸食餬,咁你開出副牌畀人睇,入面成手都係萬子,多到瀉一定要侷打,就唔使一個人包輸。所以好多人當發現自已有可能十二章包輸或者九章落地時,而又覺得自己副牌可以食餬嘅機會唔大,就會即刻狂儲包輸嗰種牌,咁最後即使食唔到餬,但至少都唔使一個人包輸,呢啲都係常見破解自摸包輸嘅方法。

但此種侷打唔包已經慢慢冇人同意,九章落地誰邊個出銃就邊個包輸,邊個畀人十二章落地就自摸都要包。

包先唔包後[編輯]

如果有人一路打牌畀某一家上或者碰,一直到第九章牌時,唔應該再打同一種牌,所以要打另一種牌以免呢家十ニ章或出銃包輸,但如有別一家再九章牌時,任何一家出銃畀下家或其後九章牌邊一家都唔使包輸。