北京人

出自維基百科,自由嘅百科全書
北京人
周口店北京人遺址(中間嗰個係北京人像)

北京人,又叫北京猿人,科學命名為「北京直立人」(拉丁文:Homo erectus pekinensis)或者叫「中國猿人北京種」(Sinanthropus pekinensis),係生活喺更新世嘅直立人。佢哋嘅化石1927年喺中國北京西南嘅周口店龍骨山發現。

佢哋生活喺50萬至20萬年前之間,屬於由古猿進化到智人嘅中間環節嘅原始人類。呢個發現喺生物學歷史學同埋人類發展史嘅研究上有好重要嘅價值。

早喺舊石器時代嘅初期,北京人已經識攞石頭石器,用佢做武器同生產工具,喺同大自然進行鬥爭入面改造自己,表明北京人已經識用原始嘅工具從事勞動,北京人識得用、支配火、保存火種嘅方法。

北京人同佢嘅文化嘅發現同研究,解決19世紀爪哇人發現以來圍繞科學界近半個世紀嘅直立人究竟係猿定係人嘅爭論。事實表明,喺人類歷史嘅黎明時代,從體質形態,文化性質到讓會組織等方面,的確有過直立人階段,佢哋係南猿嘅後代,係以後出現的智人嘅祖先。直立人係由猿到人進化序列中重要嘅中間環節。到目前為止,直立人嘅典型形態仍然係以周口店北京人為準則。