北京地鐵1號綫

出自維基百科,自由嘅百科全書
北京地鐵1號綫

北京地鐵1號綫簡化字北京地铁1号线)係北京地鐵嘅地鐵綫路,1969年10月1號通車,連接古城站環球度假區站,長31.公里,總共35個站。

佢開通初期時凈開咗從高井站北京站一部份,但嗰時唔對外開放。直到1971年1月15號先至開咗從北京站到立新站(而家嘅公主墳站)一部份,但嗰時凈限畀介紹信先至有得搭車,即使係同8月15號將對外開放站點開到玉泉路站都係噉直到1972年先至取消咗「畀介紹信搭車」嘅限制。1973年4月23號重將對外開放站點向西延長到而家嘅蘋果園站。而福壽嶺站雖然喺1981年9月15號通過驗收時開放咗,但嗰時凈畀附近嘅地鐵技校學生同喺高井站返放工啲機關人員上落直到2007年撤出為止,隨後一直唔對外,直到2018年9月7號先至改造。1987年12月28號因復興門起咗條渡綫,令1號綫一分為二變成從蘋果園站去到復興門站;而長椿街站到北京站嗰橛變成2號綫一部分。1992年12月12號將東邊尾站從復興門延長到西單站。而天安門西站四惠東站嗰橛喺1999年9月28號開通,初期冇同舊嘅1號綫(蘋果園到西單嗰橛)連埋一齊,直到2000年6月28號先至連埋。

原先喺2003年12月24號開始營運嘅八通綫,喺2021年8月29號同1號綫合併,家下成為1號綫一部分。而蘋果園站喺2020年4月18號封站改造。

尤其係高井一站,從1969年10月1號通車之後到而家為止,因涉及軍事機密而一直冇開過。