北方漢語

出自維基百科,自由嘅百科全書
Jump to navigation Jump to search

北方漢語,即係北方話,又叫做官話,係漢語一個分支。現代嘅國語普通話,就係由官話演變而嚟。

官話係漢語中分佈最廣、最多人用嘅一支。中國約70%人口都用官話做母語。喺中國北方絕大多數地區、南方嘅四川中、東部、重慶西部、東部、北部,廣西北部、雲南北部、貴州北部、東部、湖北大部、湖南北部、江西沿江地區、安徽北部、江蘇北部,都有好多人用官話做母語。

官話大致分做華北官話、西北官話、西南官話和江淮官話,分別以北京話、西安話、成都話(或重慶話)同揚州話做代表。華北官話、西北官話分別喺中國北面通行,西南官話、江淮官話分別喺中國南面,除咗吳語贛語湘語粵語閩語客家話地方以外嘅一大片地區嘅西面同東面通行。