北白川宮道久王
北白川宮道久王（1937年5月2號—2018年10月20號）係日本舊皇族，北白川宮第五代當主，老豆係永久王。響皇籍脫離之後，改名叫北白川道久。
經歷[編輯]
道久王1937年響東京府出世，係永久王大仔。
1940年，老豆永久王軍機失事而死，之後由道久王以三歲之齡接任當主一位，佢同時係當時咁多個男性皇室成員入面唯一一個未當過兵嘅人。
1947年，響駐日盟軍總司令指示下，道久王皇籍脫離，降為平民，改名叫北白川道久。1960年從學習院大學經濟學部畢業，之後入東芝做嘢，後嚟升為東芝國際交流財團専務，2000年正式退休。
2001年佢出任伊勢神宮大宮司，任內曾經主持清子內親王嘅婚禮，直至2007年退任唔撈。之後，佢先後做過霞會館理事長、學習院櫻友會理事、學習院中等科同埋高等科櫻友會會長同埋日本會議顧問。2011年出任神社本廳統理。
2018年10月20號，道久王因急性肺炎而死，終年81歲。死後因冇仔而導致北白川家絕家。
屋企[編輯]
老豆：永久王
阿媽：祥子
兄弟姐妹：細妹肇子
老婆：島津慶子
| 上一任 北白川宮永久王 |
北白川宮當主 1940年至1947年 |
下一任 (皇籍脫離) |
| 上一任 久邇邦昭 |
神社本廳統理 2011年至2018年 |
下一任 鷹司尚武 |