匹克波係一種用球拍擊球嘅球類運動，集合咗網球、羽毛球同乒乓波嘅元素，每次兩個或者四個人玩，場地用羽毛球場。用嘅波係硬膠造嘅薄殼中空波，大細似網球，有26個直徑約莫1厘米嘅竉。球拍形狀似大乒乓波拍，最初係木造嘅，家下有輕啲嘅玻璃纖維、混合材料同碳纖維造嘅。
匹克波由美國西雅圖本不里奇島（英文：Bainbridge Island, Washington）興起，由政治人Joel Pritchard（英文：Joel Pritchard）同佢兩個朋友喺1965年夏天發明。Pritchard後來重將佢嗰條狗改名做「匹克」（Pickles）。
