十字花押

花押十字。希臘字母合寫，上Ρ下Τ。

Ϲ⳨ΟΝ聖名，代表釘十字架。

金幣右邊見到正面。勝利女神持仗，上有十字花押。

出土油燈，上有十字花押。

十字花押、花押十字，講希臘文花押字⳨ 。兩隻希臘字母，下Τ上Ρ，疊加成連字。佢代表ΤΡ，原本出自減筆，省寫讀音。本身無固定意思，視乎用處。當初無宗教意味，到早期基督教，用來代表耶穌釘十字架，可謂至早基督教符號。

方便起見，後面ΤΡ都講希臘字母，粵音Τ讀似頭，Ρ讀似鑊，ΤΡ讀似頭鑊。

早期同意義

希律銅錢正面，上面寫住ΒΑΣΙΛΕΩΣ ΗΡΩΔΟΥ，希律王。中間有⳨。

符號源自基督教之前。西元前卅七年，希律一世鑄銅錢，正面就有⳨，解釋做三，希臘文大寫ΤΡΙ，等同英文tri-，代表面值三銅錢。

釘十字架符號

ΣΤΑΥΡΟΣ，小寫σταυρός，希臘文木樁木柱，亦指十字架。ΣΤΑΥΡΟΣ，ΤΑΥ、ταυ，即字母Τ讀音，ΡΟ、ρό即字母Ρ讀音，用ΤΡ代表，ΤΡ寫成十字花押⳨。喺好早新約手稿，好以耶穌釘十字架，以聖名方式寫。莎草書六十六號、莎草書四十五號、莎草書七十五號就有 。

基督花押

十字花押⳨，除咗聖經手抄本做聖名，亦做基督教符號。大概四世紀開始，變成基督花押一款，同交叉花押等變體一齊用。五六世紀，符號傳到西歐。

同希臘文首尾字母組合

四世紀，敘利亞聖艾弗冷論及基督宗教符號，符號似乎係將十字花押，希臘字母首Α，尾Ω結合，Τ邊一左一右。Τ象徵耶穌嘅十字架。出埃及記十七章十一節，摩西雙手舉起，預示十字架。ΑΩ，Α代表始，Ω代表末，基督釘十字架由始到末。Ρ，代表幫助。幫助希臘文 βοήθεια，而文獻中寫βοήθια。靈數學做法，字母化成希臘數字值，加埋啱啱一百，而Ρ正好代表數字一百。

ΤΡ分寫

ΤΡ兩字母，唔結做連字都可做符號。早期基督教骨箱有。泰土良反馬利創林書三章廿二節解釋話。Τ象徵救恩，以西結書九章四節，在得救者額上所畫記號。Ρ獨用時，指基督為彌賽亞。亞伯拉罕象徵彌賽亞，一百歲時，依上帝應許生以撒。一百正好希臘數字Ρ。

科普特統一碼區段

十字花押，有統一碼編碼咁。科普特文區段，有⳨，有⳧。後者兩Ϲ，月形Σ。古代符號區段，有𐆠，屬希臘符號。