升旗山

  提示：呢篇文講嘅唔係扯旗山。

升旗山
由升旗山俯視亞依淡市區

升旗山（馬來話：Bukit Bendera），又叫檳榔山（英文：Penang Hill），喺檳島中部，主峰係西方山（Western Hill），海拔833米（2,733英尺），係檳城最高點。

其中海拔735米（2,411英尺）嘅旗山（Flagstaff Hill）係升旗山群峰之中開發最多嘅山峰，亦係當地居民同遊客嘅避暑勝地。由於之前英國高官別墅大多數都喺呢度，山下嘅士兵利用旗語傳遞重要訊息，升旗山因而得名。

升旗山山頂氣候涼爽宜人(20°c至27°c，大約低過喬治城5°c)，係檳城出名嘅旅遊勝地。除咗行上山之外，亦可以搭纜車上山。升旗山纜車喺1922年起，係為咗方便當時英國人上山度假而起。山上面仲保留咗好多殖民地時期度假別墅，依然已經開放畀遊客住宿。登山可眺望檳威海峽同威省景色。山頂上面有一座好靚嘅高地花園，以種植熱帶植物同花卉為主，係遊客賞心悅目嘅理想場所。

昔日升旗山纜車（依家已經改用新纜車）

升旗山䌫車