南固臺

出自維基百科,自由嘅百科全書
跳去導覽 跳去搵嘢
洋船街南固臺地基,外貌係一道石牆
南固臺嘅建築美
樹蔭影照下嘅南固臺

南固臺香港一座古老大屋,嚮香港島灣仔船街55號,堅尼地道以北,近捷船街,係香港一級歷史建築[1] 南固臺樓高2層,有天棚,佔地200平方米,嚮船街以南最高點,冇車路到,上落有百石級建築風格揉合中西文化,正面個樣好似1914年起好嘅甘棠第。大屋外牆主要用紅磚砌,係啲人所講嘅紅磚屋[2]

環境[編輯]

南固臺嚮船街街尾,自建私家路麻石樓級通大門。南固臺唔算係掘頭路,因為有小路通上半山區堅尼地道,即係近嘉諾撒聖方濟各書院小學部東邊。

南固臺有唔少鬼屋原素。大門外面係斜坡同樓級,長年生咗唔少野樹,陰陰沉沉。斜坡上倒滿幾廿年嚟嘅建築廢料,有唔要嘅神主牌洗手盤。船街路面有沙井,地底係地下水道,沙沙流水聲。嗰度有流浪貓成群出沒,深宵貓叫。

傳聞[編輯]

南固臺係1918年由當時富商杜仲文起,之後轉手畀細佬杜澤文。杜澤文係永安百貨副司理,1945年死咗,之後間屋一直冇人理。

而家[編輯]

2008年合和實業發展灣仔南面,打做香港地產品牌叫做The East,媲美太古地產嘅品牌Island East。嚮11月胡文新承諾幫手保育活化南固臺。[3]

參考[編輯]