甘民樂

甘民樂（David William Donald Cameron，中國大陸譯做戴維·卡梅倫，港澳譯做金馬倫^[1]同卡梅倫，1966年 10月9號—）係英國政治人，做過英國保守黨領袖。2010年5月，英國工黨領袖白高敦晌選舉入便帶領唔到佢個黨贏，辭咗英國首相職之後，英女皇請佢繼任英國首相，等佢做咗英國近200年嚟最後生嘅首相。2015年保守黨贏出選舉，成為下議院大多數，佢亦成功連任首相。

2013年，甘民樂決定搞公投，決定英國留唔留喺歐盟。2016年6月23號英國脫離歐盟公投脫歐派贏出之後第二日，本身支持英國留歐嘅甘民樂宣佈會喺同年10月辭任首相。去到7月，保守黨確定由文翠珊接任首相之後，佢喺7月13號辭職。