危疾保險

危疾保險係種個人保險，當受保人確診患上保單承保嘅重病（危疾），保險公司就會提供一次性賠償。唔同醫療保險需要實報實銷醫藥費，危疾保險可以攞到一筆過嘅賠償金，無用途限制。

危疾保險通常承保嘅疾病包括：

• 癌症
• 中風
• 心臟病
• 腎衰竭
• 主要器官移植
• 多發性硬化

部分產品甚至涵蓋早期危疾，例如原位癌、通波仔。

受保疾病定義

危疾保險只保障若干特定嘅疾病，若你因其他疾病而失去工作能力，並唔會獲得金錢賠償。危疾保險保單條款會列明診斷有關嚴重疾病嘅具體醫學標準，例如何謂癌症、何謂心肌病。

多重理賠

部分危疾保險提供「多重理賠」，即受保人喺確診某受保疾病以致索償後，保單仍然生效。假如受保人喺指定年期後不幸舊病復發，又或患上其他受保嚴重疾病，亦可按保單條款再次向保險公司索償。

消費者要留意，「多重理賠」唔等於每種危疾保險賠兩次。