卷丹

花

成樖

卷丹、倒垂蓮、虎皮百合、番山丹、珍珠百合、宜興百合、太湖百合、湖州百合、龍山百合、苦百合，都講草木一種，開花植物物種，歸百合亞科百合屬。呢種百合，原產中國、日本、韓國、俄羅斯遠東地區。 花橙黑，好鬼鮮艷㗎，種佢做觀賞植物。其他地方有人花園種佢，走出花園，變成逃逸植物。北美洲尤其美國東部新英格蘭，就出現咁情況，而且美國南部佐治亞州都有。

花無蜜又無香。花上點點同黐身花粉，夠引昆蟲幫佢傳粉。

加拿大魁北克，

名

拉丁學名Lilium lancifolium，意思矛葉，話佢葉長似矛。長期用過Lilium tigrinum做名，話佢似虎有虎紋。後尾發現早就有人叫Lilium lancifolium，就改用呢個名。

英文名tiger lily，有其他物種都咁叫。

描述

夏末生葉腋珠芽，會發育成根。

同其他真百合一樣，花生喺直立莖上，高八十到二百公分，生葉披針形，長六到十公分，闊一兩公分。葉腋生珠芽，可謂鱗莖。呢種珠芽喺百合屬唔常見，可以生長成新株，無性複製體。

花冇香味。開花得幾日。授咗粉就會出蒴果，入面好多種籽，薄薄咁。

物種有花外蜜腺，一九三二年記錄。

生殖

可以無性繁殖，視乎細胞型。族羣有二倍體，即有兩套染色體。有三倍體，即有三套染色體。北美洲族羣主要三倍體，而亞洲族羣就二倍體、三倍體都有。

二倍體族群可同時做有性、無性繁殖。三倍體族羣不育，得無性繁殖。主要葉腋形成珠芽繁殖。

雙虎百合。