反逃犯條例修訂運動術語一覽

出自維基百科,自由嘅百科全書
沒有國慶只有國殤遊行嗰陣,金鐘站出口中咗「火魔法」

反逃犯條例修訂運動術語一覽收錄2019年香港反逃犯條例修訂運動入面常見嘅術語。

術語一覽[編輯]

同示威者有關[編輯]

  • 發夢:出嚟參與示威活動(尤其可能涉及到違法行為),話自己發夢即係無認過自己有出過嚟
  • 行街:參與攞唔到不反對通知書遊行,好似平時行街買嘢噉
  • 寶寶:對前線示威者嘅稱呼
  • 衝衝子:衝鋒陷陣嘅示威者,多數指勇武派[1]
  • 家長車接放學:義載前線抗爭者返屋企就係「接放學」,義載嘅車就係「家長車」,司機就係「家長
  • 文具:指前線示威者嘅裝備
  • 哨兵:喺示威現場週圍留意住環境嘅人
  • FA:「First Aid」嘅簡稱,指在場嘅義務急救
  • FC:「Fact Check/Fact Checking」嘅簡稱,指核實消息係咪真
  • 獅鳥/:形象係隻有翼獅子嘅「神獸」,諧音「私了」,代表示威者私下解決,(襲擊)對立嘅人[2]理論上周不時唔合法。仲有一種解釋係示威者對被警察包庇嘅犯罪者(佢哋通常嗰啲嘅犯罪行為係襲擊持反政府立場嘅普通市民)進行「私人執法」。
  • 冷氣軍師:指無去現場參加示威,又鍾意隔空指指點點,所謂教路嘅人;「冷氣」指他調噉樣匿喺冷氣房入面[3]
  • 魔法:搞事或者破壞方法——最常聽到嘅火魔法[4]係指用火,重有水魔法[5]屎魔法[6]……如此類推,出手嘅叫作魔法師
  • 落單:粵語意思本身係解「點嘢食」,但反修例運動入面嘅「落單」就借用北方話意思,解做「得返一個人」
  • 裝修:指破壞唔同政見店舖嘅行為,皆因破壞完後店舖要安排重新裝修
  • 懲罰:指幫襯支持反修例運動店舖(黃店)嘅行為,皆因搞到伙記做到無停手
  • (食)人血饅頭:出自魯迅,後被解釋為藉住香港修例風波去攞着數、搵個人利益[7]
  • 煲底之約:指一眾抗爭者約定喺抗爭成功之後,去到金鐘立法會綜合大樓地下示威區(俗稱「煲底」)除低豬嘴同口罩相認同一齊慶祝
  • (遍地)開花:唔同地區同一時間有群眾聚集,當中部份激進示威者(勇武派)會有堵路破壞行為[8];後來亦用來形容處處都有人參加嘅和理非行動[9][10]
  • 落雨:當激進示威者有行動嗰陣,同伴大嗌「落雨」,周圍嘅示威者就會開遮住佢哋,唔畀其他人見到同埋記者影到
  • 手足:反政府抗爭(唔理文武)者之間嘅稱呼;呢個詞不嬲都係用來稱呼朋友同親人嘅,到咗呢輪運動,先至多咗個用法;來自成語「手足情心」
  • 和你……:「和理非」之中頭兩個字嘅諧音,用咗來幫唔少活動起名——和你塞和你唱和你飛……「同你一齊參加某『和理非』活動」嘅意思

同警方有關[編輯]

  • popo:對警察嘅稱呼,嚟自警察嘅英文「police」開頭嘅兩個英文字母[11]
  • :對警察嘅另一稱呼,有盲目聽主人話,亂吠亂咬人嘅比喻;衍生術語有「狗車」(警車)、「狗屋/狗竇」(差館)、「狗糧」等
  • 速龍速龍小隊簡稱
  • 速生:速龍先生嘅簡稱,同「畜生」同音
  • RB:「Road Block」嘅簡稱,指警方(或者示威者)設嘅路障
  • TG:通常指催淚彈(Teargas),警方驅散示威者常用工具(另一個意思係Telegram,示威者常用溝通工具)
  • TG放題:話警方係噉放催淚彈,令示威者食催淚氣「食到飽」
  • 毅進仔:對前線警員嘅稱呼,笑佢哋無文化[12],得毅進文憑嘅學歷[13]
  • 毅進制[14]:每次遊行集會,警方點算嘅人數都會少過主辦單位數字好多,而且科學上明顯錯得離譜;由於差人又被人嗌作「毅進仔」,所以呢套計法就叫「毅進制」[15]
  • 藍旗:警方喺示威現場向示威者舉嘅旗,話場示威係違法,要即刻走人,否則警方可能使用武力
  • 黑旗:警方喺示威現場向示威者舉嘅旗,話即將會發射催淚彈
  • 橙旗:警方喺示威現場向示威者舉嘅旗,話即將會開槍(可以係橡膠彈布袋彈海綿彈,甚至實彈)
  • 紫旗:警方喺示威現場向示威者舉嘅旗,話在場示威者違反《國安法》,有示威者會將紫旗改名為藝人鄧紫棋(鄧紫旗)
  • 警嫂:對人群管理特別用途車(俗稱水炮車)嘅不文稱呼[16]

[編輯]

  1. 2019年度風雲人物榮光歸手足——衝衝子. 原著喺2020年10月8號歸檔. 喺2020年10月5號搵到.
  2. 「鶳」快高長大 香港變葛咸城
  3. . 原著喺2020年10月10號歸檔. 喺2020年10月5號搵到.
  4. 例風波「火魔法級汽油彈攻國慶日 警部署5000警力應對. 原著喺2020年10月10號歸檔. 喺2020年10月5號搵到.
  5. 牆有耳:街馬跑手black bloc上陣 張建宗主禮 中水魔法. 原著喺2020年10月8號歸檔. 喺2020年10月5號搵到.
  6. 暴之戰水埗魔法師警兩掟懷疑屎彈 瀰漫極濃烈糞便味. 原著喺2021年6月21號歸檔. 喺2020年10月5號搵到.
  7. . 原著喺2020年10月9號歸檔. 喺2020年10月5號搵到.
  8.    . 原著喺2020年10月11號歸檔. 喺2020年10月5號搵到.
  9.   . 原著喺2020年10月8號歸檔. 喺2020年10月5號搵到.
  10. 京人遊行撐送中 90後發起少女:逢周六遍地開花. 原著喺2020年10月8號歸檔. 喺2020年10月5號搵到.
  11. 咩叫popo同FC?連登十大日常反送中運動嘅「抗爭用語」!
  12. 進制的錯4兇鬼佬You're police? 不諳英語卻叫人轉講中文出醜. 原著喺2020年10月8號歸檔. 喺2020年10月5號搵到.
  13. . 原著喺2020年10月29號歸檔. 喺2020年10月5號搵到.
  14. 反送中十大潮語:「唔好搞我後面」只係第三名?
  15. 【附計數機連結】警方點算遊行人數有公式?網民惡搞寫維基兼製作「毅進制」計算機
  16. 罵為何攻擊人家老婆?:白水@好青年荼毒室 (09:00) - 20191208 - 文摘. 報新聞網 - 即時新聞 instant news (繁體中文). 喺2020-10-09搵到.