叔梁紇

出自維基百科,自由嘅百科全書
跳去導覽 跳去搵嘢
叔梁紇
私人明細
配偶施氏
配偶顏徵在
仔女孟皮
孔子
伯夏

叔梁紇前623年前549年),氏,名,字叔梁[1],花名郰人紇[2]郰叔紇[3],尊號齊國公[4]啟聖王[5][6],係魯國大夫伯夏個仔、孔子個老豆,佢同時係魯國郰邑大夫。

事績[編輯]

力舉城門[編輯]

響前563年,晉國荀罃荀偃同埋士匄帶班諸侯聯手攻偪陽國,但係攻咗幾個月都攻唔到偪陽[7]。呢個時候,孟孫氏嘅家臣秦堇父叫人拉咗架裝備車過嚟,於是偪陽嘅守城士兵就打開城門,而諸侯就乘機進攻[1]。突然之間,偪陽士兵將放底個城門,搞到一啲衝咗入去嘅諸侯士兵走唔返出嚟[7]。於是,叔梁紇用雙手舉起城門,而先前衝咗入去嘅諸侯士兵乘機走返出嚟[7]孟獻子聽到之後,就讚叔梁紇:「呢個就係《詩經》入面所講嘅『就好似老虎一樣咁有力嘅人』呀。[7]

護送臧武仲[8][編輯]

響556年嘅秋天齊靈公派兵攻打魯國,其中齊國大夫高厚將魯國大夫臧武仲困響防地,於是叔梁紇夾埋臧武仲個兩個兄弟臧疇臧賈,帶三百個士兵,漏夜偷襲齊軍,帶臧武仲去旅松,之後先前護送臧武仲返防地。冇幾耐齊軍就退兵返歸。

娶顏徵在做妾[9][編輯]

叔梁紇同原配施氏淨係生咗九個女,冇仔,之後叔梁紇娶多個妾,而呢個妾雖然生咗個仔孟皮,但係孟皮隻腳有問題,唔可以做孔家嘅繼承人,叔梁紇就好心急,所以就同魯國顏氏求妾。而顏氏有三個女,而細女叫顏徵在。顏氏將呢件事話咗畀三個女知,之後就話:「邑陬大夫叔梁紇嘅祖先雖然只係,但佢係古代君王子羨嘅後代。而且佢好高大,武力又好好,我真係好想可以同佢聯婚。雖然,佢年紀唔細而且性格仲好躁,不過呢樣嘢唔可以猶豫。你哋三個入面有邊個可以嫁畀佢做妾?」大女同二女都冇出聲,唯獨三女顏徵在同老豆講:「你講咩我哋就做㗎啦,仲有咩嘢好問呀。」於是顏氏就話:「顏徵在,你就嫁畀佢啦。[9]

顏徵在同叔梁紇響三個月之後行廟見之禮,正式做叔梁紇嘅妾侍。因為顏徵在擔心叔梁紇年紀太大生唔到仔,於是私自到尼山尼山神祈禱,祈求生仔。後嚟顏徵在生咗個仔,而佢就係孔子[9]

死後影響[編輯]

響前549年,叔梁紇過身,葬響防地[9]。而佢嘅墓地,叫做「梁公林」,位於曲阜市以東14公里,又叫「齊國公墓」、「啟聖林」同埋「啟聖王林」,墳前有塊石碑,上面寫住「聖考齊國公墓」,由第五十二世孫孔元措明昌五年(即1194年)做嘅[10]。而響大門前就有一塊碑,上面寫住「大元追封啟聖王墓」,由第五十三世孫孔之嚴寫嘅[10]

追封諡號[編輯]

  • 大中祥符元年(1008年),追封叔梁紇做齊國公[4]
  • 至順元年(1330年),加封佢做啟聖王[5]
  • 嘉靖九年(1530年),改封佢做為啟聖公[6]
  • 雍正元年(1722年),又返封佢做啟聖王[6]

[編輯]

  1. 1.0 1.1 《春秋左傳正義·襄公十年》.
  2. 《春秋經傳集解·襄公十年》.
  3. 《春秋經傳集解·襄公十七年》.
  4. 4.0 4.1 《宋史·儒林一》.
  5. 5.0 5.1 《元史·本紀第三十四·文宗三》.
  6. 6.0 6.1 6.2 《清世宗實錄·卷五》.
  7. 7.0 7.1 7.2 7.3 《左傳·襄公十年》.
  8. 《左傳·襄公十七年》.
  9. 9.0 9.1 9.2 9.3 《孔子家語·卷九·本姓解》.
  10. 10.0 10.1 Kongzi jia zu quan shu. Kong, Demao., 孔德懋. (第Di 1 ban版). Shenyang Shi: Liao hai chu ban she. 2000. ISBN 7-80649-137-6. OCLC 44987686.{{cite book}}: CS1 maint: others (link)