古希臘雕塑

古希臘雕塑（英文：Ancient Greek sculpture）係指古希臘嘅雕塑藝術，可以話係西人嘅雕塑傳統嘅起源。古希臘雕塑係喺大約公元前 3,000 年出現嘅，當時嘅人有好多雕像，成日都有用大理石整、擺出各式各樣嘅姿勢嘅女人雕像，而希臘嘅雕塑藝術喺鄰近嘅兩河流域文明同古埃及嘅影響下發展。

簡史[編輯]

公元前 650 年左右，古希臘雕塑正式成形，自成一套風格，有各種中至大型（起碼好似大人咁高）嘅雕像，喺神殿俾人擺嚟描繪個樣生得靚嘅少男少女同古希臘人心目中嘅天神（呢啲雕像好多時都係唔著衫嘅），又有雕像係喺墓穴嗰度擺嚟描繪過咗身嘅人，呢啲雕像通常都係油咗顏色嘅（不過喺俾現代人發現嗰陣經已甩嗮色），而古希臘式嘅雕塑藝術仲有傳播到去希臘以外嘅歐洲地區^[1]。