古金水

古金水（粵拼：gu2 gam1 seoi2；1960年1月15號—2016年5月25號）係台灣十項全能運動員，阿美族人，擅長項目係撐竿跳，同李福恩喺台灣十項全能運動上並稱一時瑜亮。2008年至2016年喺臺中市立忠明高中擔任教職。

1999年，涉及立榮航空爆炸案，二審被判刑7年6個月。2008年，三審獲判無罪。2011年5月12號，花蓮高分院指出，全案嘅更審無罪判決超過2次，因此依據《刑事妥速審判法》第八條嘅規定，全案不能再上訴最高法院，古金水無罪定讞。

古金水個女古筠曾經係日本Hello! Project嘅成員。

2014年底檢驗出罹患多發性骨髓瘤（漿細胞白血病），喺接受外科手術及異體造血幹細胞移植後病情一度穩定而出院，但之後仍然復發。2016年4月20號因為過度疲累進入台大醫院住院治療，醫院於5月21號發出病危通知，終於因合併肺炎導致敗血休克，於同年5月25號早上6點11分喺台大醫院病逝，終年56歲。

學歷

• 台灣省立體育專科學校（今國立台灣體育運動大學台中校區）
• 國立台灣師範大學

曾獲獎項

• 1978年臺灣區運動會十項全能第四名。
• 1979年臺灣區運動會十項全能銀牌。
• 1980年臺灣區運動會十項全能金牌。
• 1981年臺灣區運動會十項全能金牌；撐竿跳金牌。
• 1982年臺灣區運動會十項全能金牌；撐竿跳金牌。
• 1983年臺灣區運動會十項全能銀牌；撐竿跳金牌。
• 1983年第五屆亞洲田徑賽十項全能銀牌。
• 1984年臺灣區運動會十項全能金牌；撐竿跳金牌。
• 1985年臺灣區運動會十項全能金牌；撐竿跳金牌。
• 1983年第六屆亞洲田徑賽十項全能金牌。
• 1986年臺灣區運動會撐竿跳金牌。
• 1986年臺灣區運動會十項全能銀牌；撐竿跳金牌。
• 1987年臺灣區運動會十項全能銀牌；撐竿跳金牌。
• 1989年臺灣區運動會十項全能銀牌；撐竿跳金牌。
• 1990年臺灣區運動會撐竿跳銀牌。
• 1990年北京亞運會十項全能銀牌。
• 1991年臺灣區運動會十項全能銀牌；撐竿跳金牌。
• 1992年臺灣區運動會十項全能銅牌；撐竿跳金牌。
• 1993年臺灣區運動會撐竿跳金牌。