台灣麻雀計番

出自維基百科,自由嘅百科全書
跳去: 定向搵嘢

呢個係台灣十六張麻雀一般番數計法,台灣牌唔係叫,而係叫台,例如「一台」,咁即係一番咁解。

十六張麻將計番[編輯]

  • 風字坎:東南西北任一坎(刻子),合開門序1台,合圈序加1台
  • 箭字坎:中發白任一坎,各計1台,合圈序加1台
  • 連N拉N:計2N台,N 即係莊家連幾多次莊,例如連第二次莊,咁食糊嘅話,即係連2拉2,2加2就即係四台,即係莊家食糊就贏四台,出銃就輸四台。
  • 花牌:合開門序1台,拎同色花槓(春夏秋冬或梅蘭菊竹)改計2台,拎滿花(8花牌)改計8台。摸花一定要即時補牌,如果靠入手牌或者喺門前未補牌,就唔可以係之後再要求補牌
  • 花胡:齊晒8隻花牌,即係「春、夏、秋、冬、梅、蘭、竹、菊」。就唔理你手牌成唔成糊都可以立即食糊。花胡有分八仙過海七搶一。花胡嗰陣如果手牌未同時成胡,唔使翻開手牌亦唔計手牌台數,中花糊時如果未補牌而就咁話糊,因為手牌唔夠17張,都唔計數,當無事發生繼續打牌。摸到第8隻花牌嘅人可以補牌,之後食糊拎住滿花都一樣計8台。滿花唔即時食糊之後先糊都一樣計8台。

零台[編輯]

  • 屁餬:又即係雞胡,只係由五個搭子同一對將組成,而無任何以下形式組合嘅牌型。

一台[編輯]

  • 門清:糊牌前無上、碰、明槓,可以暗槓
  • 半求:手牌除左上碰明槓開咗出嚟之外,暗牌得返1張加自摸,計埋獨聽同自摸共3台
  • :莊家食糊計多1台,之後莊家連莊
  • 獨聽:以聽牌計,成副牌只爭一隻叫糊,即係聽一洞,好似
    • 中洞(卡張)、站壁(邊獨)、單釣(單騎)
    • 例:333567789筒 23444索 46萬,爭一隻5萬叫糊,食到就計獨聽
    • 例:111筒 12 44567索 234678萬,爭一隻3索叫糊,食到就計獨聽
    • 例:234456筒 667788索 222萬 中,爭一隻紅中叫糊,食到就計獨聽
  • 搶槓:人哋槓張牌啱啱自己可以碰咗之後食到糊
  • 自摸:食糊牌由自己摸返嚟,但唔可以靠張,即係摸摸返嚟張牌唔可以觸及暗牌、落海、低過枱面、觸落牆牌、觸及海內牌、帶牌摸牌
  • 槓上開花:摸花或開槓之後槓尾補牌,唔理第幾次而成糊,同時要另外要再計多自摸1台
  • 海底撈月:摸海底牌而食糊,要另外再計多自摸1台,不過有另一種規定話自摸一定要棄摸。海底牌如果係花牌,就唔可以補牌亦唔使再打牌,海底倒數第二張牌如果係花牌或者可以開槓嘅牌,補牌食糊胡都當係海底撈月,重要計埋槓上開花;如果補返嚟嘅牌又係花牌,就唔使續補兼唔使再打落去

二台[編輯]

  • 全求:手牌都已經上或者碰開咗出嚟,得返一隻單釣糊銃,就係全求。計埋獨聽1台,夾埋3台
  • 平胡:胡牌時手牌有將、無花、無字、無坎、唔係獨聽、唔係自摸,計門清加1台
  • 三暗坎:三副配到或摸到嘅坎子,暗槓都計
    • 例:444678筒 555索 78萬 發發發 +6萬
  • 不求.自摸:無上、碰、明槓,而且係自摸食糊,同門清合稱「門清一摸三/不求人」
  • 五門齊,五組花色
  • 般高,一色內嘅雙同順
  • 4歸2,四組相同嘅排分別落到兩組牌(哩咕哩咕亦得)
  • 三色步高,三組唔同花色裏嘅順子
  • 三色連刻,三組唔同花色裏嘅刻子/槓子

四台[編輯]

  • 對對胡:除將牌外全部都係坎子(刻子)。例:222666筒 555索 11666萬 南南 +1萬
  • 湊一色:除咗字牌全部都係同一種花色。例:34567888筒 中中中 南南南 西西 +2筒
  • 小三元:中發白組成嘅坎子同將牌,合圈序加1台,箭字坎唔另計台
    • 例:456777索 789筒 中中中 發發 白白 +白
  • 地聽:打咗第1隻牌之後就宣佈聽牌,本身一定要係門清,唔理其他人之前有無上碰,都係屬於地聽。如果係食到地聽,就唔會計門清。不過自摸就可以加計不求。自摸2台,宣告地聽之後如果唔換牌或者靠張都重當有效,否則就會解除地聽。地聽如果無眼牌,胡牌之後發現曾過水無糊,就唔當地聽,但糊牌仍然有效。
    • 註:莊家打出第1張就宣佈聽牌,都當係地聽
  • 混龍,三色組合嘅123456789牌
  • 三色同刻,萬筒索三組同號碼嘅刻子或槓子
  • 雙2連刻,2組2連刻(一組2台)
  • 4歸3,四組相同嘅排分別落到兩組順子+一眼
  • 雙2色同刻,2組2色同刻(一組2台)
  • 雙兩相連,兩個2色同順(一組2台)

六台[編輯]

  • 混全帶么九,順子、槓子、刻子都要有字,1和9等牌
  • 一條龍,一色組合嘅123456789牌
  • 三同順(三連刻),同花色嘅6组同順子/連續3同刻子或槓子
  • 雙龍抱,雙個般高。
  • 1色3步高,3組同花色,測進相連嘅順子
  • 三相連(三色同順),3色和同顺

八台[編輯]

  • 小四喜:東南西北組成嘅坎子同將牌,合圈序加1台,合開門序加1台,因為唔一定有
    • 例:77筒 444索東東東 南南 西西西 北北北 +7筒
  • 大三元:中發白三坎全齊,合圈序加1台,箭字坎唔計台
    • 例:23索 56799萬 中中中 發發發 白白白 +1索
  • 八仙過海:拎到全部8張花牌,補牌之後就可以食糊,贏三家,計八仙過海8台1底,至於手牌如果未糊可以唔使開,莊連拉台數照計;如補返嚟張牌啱啱槓上開花,牌面台數照計再加計八仙過海8台
  • 七搶一:拎到七張花牌就可以搶人哋一張花牌湊夠花而食糊,例如你已經有春、夏、秋、冬、梅、蘭、竹,有人模到菊,你就可以搶牌,之後自己再補牌,咁就可以食糊,花牌只係喺七搶一情況之下先有得搶牌
  • 天聽:閒家配牌補花後就宣佈聽牌,叫做天聽,唔計門清,如果自摸就加計不求。自摸2台。宣告天聽之後如果唔換牌或靠張則保持有效,否則解除天聽。天聽如果未眼牌,食糊之後如發現曾經過水未糊,就唔計天聽,但仍然可以當食糊
  • 地聽一發:宣佈咗地聽之後,唔理人哋有無上碰,糊各家打出宣佈之後第一張牌或摸之後1張牌自摸,都當做地聽一發,唔會計地聽,門清。如果自摸就加計不求。自摸2台
  • 嚦咕嚦咕(選用):又叫八對半。由七個對子同一個刻子組成,一定要門清先有效,其中刻子如果係有價字牌,台數加計。如符合獨聽、湊一色、清一色、字一色牌型都可以加計
    • 例:224499筒 33777索 1萬 東東 東東(+1萬,單釣加1台)
    • 例:33377筒 116677索 555萬 發發(聽二洞:+3筒 或 +5萬)
    • 例:113344 667799筒 南南 中中(聽八洞,加計湊一色,+中加1台)
  • 連槓2開花,連續杠牌後鋪牌後胡牌,花牌可計。
  • 不塔龍,16不塔+9張牌組成1到9,不連。
  • 不塔3相連,16不塔+9張牌同嘅組合(比如135萬,135筒,135索)
  • 人胡:又叫做天聽一發。閒家起手天聽,不理有無人上碰,唔理糊邊家打出嘅第一張牌都係屬於人胡。唔會計天聽、門清,不過自摸就可以加計不求。自摸2台
  • 三杠子,3組槓子
  • 1色4步高,4組同花色,測進相連嘅順子。
  • 4歸4,四組相同嘅排分別落到四組順子

十台[編輯]

  • 16不塔,胡牌由7隻番子+3組唔連續嘅萬筒索+一對眼。
  • 全帶么九,順子、杠子、刻子都要有1同9等牌
  • 混九連寶燈,1112345678999組合牌型+一組塔子嘅其他花色

十二台[編輯]

  • 清一色:全部都係一種花色兼無字牌,例如全索、全筒、全萬
    • :111 233445 6667788索 +9索(此牌聽七洞)
  • 配牌花胡:如起手配牌拎到8隻花牌,或者有7花人哋有1花,咁應該先補牌,等輪到再摸第1隻牌(手牌足17張)時得先糊八仙過海或者七搶一手牌未糊唔使開
  • 混13么,13隻唔同么九牌,一眼,一組順子或刻子和胡。要門清,不杠。
  • 綠一色,牌型中有23468索+發財。
  • 連槓3開花,連續開槓後鋪牌後胡牌,花牌可計。
  • 1色5步高,5組同花色,測進相連嘅順子。
  • 四連刻(4節高),4組同花色相連嘅刻子或杠
  • 混老頭(湊老頭),胡牌全有19萬筒索+字牌刻子。

十六台[編輯]

  • 字一色:全部字牌,唔計做對對糊而計做字一色,如果包含大/小四喜或大/小三元,計完台數之後應該減除4台,因為16張字一色實會包埋小三元以上牌型

 例 MJf1.pngMJf1.pngMJf1.png MJf3.pngMJf3.pngMJf3.png MJd1.pngMJd1.pngMJd1.png MJd3.pngMJd3.pngMJd3.png MJd2.pngMJd2.png MJf4.pngMJf4.png MJf4.png

  • 五暗坎:五副配到或摸到嘅坎子,暗槓都計,但咁樣門清、對對胡就唔會計台,如果係自摸,計多台不求人、自摸2台,因為五暗坎實係門清,但未必係不求人或者自摸
    • 例:111666筒 3338索 777萬 中中中 +8索
  • 五連刻(5節高),5組同花色相連嘅刻子或槓
  • 大四喜:東南西北四坎全齊,圈序同開門序唔計台,因為實有
    • 例:678萬 33筒 東東東 南南南 西西西 北北 +北
  • 天胡:莊家喺配牌補花後即刻食糊,就屬於天胡,不計門清一摸三,莊家天糊不理係咪靠張。莊家起手未打牌前開暗槓或連續暗槓而食糊,都當做天胡,而且可以加計槓上開花1台
  • 4槓子,4組槓子。
  • 地胡:閒家起手天聽摸第1張牌自摸,唔理有無人上碰,都係屬於地胡。但唔計天聽、門清,不過自摸就可以加計不求。自摸2台。閒家摸入第一隻牌未打牌前開暗槓或連續暗槓而食糊,都當地胡,而且可以加計槓上開花1台
  • 4連大寶(1色4順子),同花色嘅四組同順子。
  • 清老頭,胡牌全有19萬筒索刻子。

二十台[編輯]

  • 清13么,13隻唔同么九牌、一眼、一組刻子和胡。要門清,不槓。
  • 清九連寶燈,20台,清一色+1112345678999組合牌型

二十四台[編輯]

  • 5槓子,5組槓牌。
  • 正宗16不塔,147萬+258筒+369條+7組字牌+一眼。

參考[編輯]