合一弟兄會

徽號

英文徽號

合一兄弟會，基督教宗派之一，一四五七年創立，約莫大明天順元年。由於即積極傳教，全球有一百萬信眾，當中非洲至多，南美洲其次。佢可謂新教鼻祖之一，早過馬丁路德宗教改革六十年。當年佢承繼胡司宗教運動而成，提倡禮儀用本地話，平民信徒唔單止領餅，要一同領餅與酒、摒棄煉獄思想等。

佢出自波希米亞王國，亦即今日捷克境內，當時分波希米亞、摩拉維亞、西里西亞。一七二二年，約大清康熙六十一年，遇羅馬天主教反宗教改革鎮壓，就四散各地。各地都唔同稱呼，合一兄弟會取自佢原本拉丁文叫法。亦有好多用發源地摩拉維亞咁叫，香港天主教叫佢莫接維教會，其他就參照英文音而叫摩拉維亞教會、摩拉維亞弟兄會、莫拉維亞弟兄會咁。當中一支，去到當時未統一嘅德國，喺主護村定居成為社羣，德國就叫主護村弟兄團結會。村得三百人，都派咗傳教士去丹麥，同丹麥皇家傳教學院一齊，向全世界傳教，地方加勒比海一帶、北美洲、南美洲、北極、非洲、遠東。首個新教宗派，做到咁多地方都有。

教會十八世紀建立做法，重視個人改信基督，稱為新生。兼有虔誠、善行、傳福音，包括建立傳導會、非抵抗、普世主義、基督教音樂。

徽號神之羔羊，有勝利旗，拉丁文Vicit agnus noster, eum sequamur圍住。『我哋羔羊已經征服。我哋要跟隨佢。呢度佢即神。