吉隆坡

吉隆坡

吉隆坡（馬來話同埋英文：Kuala Lumpur）係馬來西亞最大嘅城市兼首都，不過而家已經有好多聯邦政府機構搬咗去布城。喺馬來西亞境內，吉隆坡嘅英文減筆KL亦通用。

吉隆坡係馬來西亞三個直轄區之一，佢係喺雪蘭莪州之中，或者馬來亞半島中央偏西海岸。

1969年5月13號，吉隆坡爆發五一三事件，當年馬來西亞國會選舉反對派大勝，搞到執政巫統有啲黨員唔高興，就咁觸發馬來族同埋華族之間嘅衝突，呢件事亦令到當年嘅馬來西亞首相東姑阿都拉曼落台。

1998年，吉隆坡舉辦英聯邦運動會，係第一個舉辦呢個運動會嘅亞洲城市。坐落喺吉隆坡市中心（Kuala Lumpur City Centre）嘅雙子塔（Petronas Twin Towers）係吉隆坡嘅著名地標。

住喺吉隆坡嘅唐人祖籍廣東，又有一部分嘅人係客家人。喺唐人嘅社團中，主要講廣東話。吉隆坡有條唐人街叫做茨廠街。