名偵探柯南：銀翼的奇術師

名偵探柯南：銀翼的奇術師（日文：名探偵コナン 銀翼の奇術師，英文：Detective Conan: Magician of the Silver Sky）係名偵探柯南第八部劇場版，片長108分鐘，由山本泰一郎執導、古內一成編劇，主題曲係由愛內里菜唱嘅Dream×Dream，響2004年4月17號上映，票房有28億。

故仔大綱

有一日，毛利小五郎接到日本出名舞台劇演員牧樹里嘅委託，牧樹里話佢收到怪盜基德嘅信封，信嘅大概意思係基德要偷走牧樹里會響表演上面展出嘅藍寶石「命運的寶石」。柯南估到基德會扮做某個人入場去偷寶石，所以佢匿響一二角，睇實藍寶石。爾個時候，一個古怪人物出現。個嗰人就係工藤新一（基德扮嘅）！柯南好嬲，但又唔可以出聲，驚畀人發現自己身體因為食藥而變細爾回事，所以柯南睇實爾個假新一。就係差唔多完場嘅時候，柯南發覺假新一唔見咗，隨即追上去，但係畀佢走咗佬。

不過出人意表咁，「命運的寶石」竟然冇畀基德偷走。所以牧樹里為咗多謝小五郎，請佢去一齊北海道函館嘅別墅到度假，同行嘅重有牧樹里同一班演員。估唔到，原來基德係想響飛機上面落手偷走寶石！但係就響同一時間，牧樹里畀人殺咗，就連飛機駕駛員都因為受到影響而昏迷！