君臨國會

出自維基百科,自由嘅百科全書

君臨國會(Crown-in-Parliament)係英聯邦王國嘅一個憲制概念。喺英國嘅憲制入面,名義上最高權力嘅其實係英國君主,但實際上君主需要按國會同埋首相嘅建議做嘢。所以國會立法嘅時候,需要用「國王會同國會」(King-in-Parliament)或者「女王會同國會」(Queen-in-Parliament)嘅名義。

君臨國會嘅概念出自英格蘭王國,今時今日由英國國會繼承。世界上唔少曾經被英國統治過嘅國家同區都有承襲呢個概念,例如英治香港嘅法例會寫「本條例乃由獲英皇陛下授權的香港總督參照立法局之意見及得該局同意而制訂」。

西方自由民主政制一般講三權分立,但君臨國會嘅概念其實代表王帝一人包攬大權。君臨國會下嘅三權分立,名義上係君主將行政、立法同埋司法權下放畀三班人嘅結果。

睇埋[編輯]