吳明欽

出自維基百科,自由嘅百科全書
Jump to navigation Jump to search

吳明欽1955年4月13號1992年6月22號)係香港一個中學先生,喺佛教沈香林紀念中學教過,當時同民主黨前主席李永達係同事。佢做過屯門區區議會議員,區域市政局議員同立法局議員。

屋企[編輯]

吳明欽個老婆係香港小姐卞美雲,生咗一仔一女。兩人喺香港中文大學求學時相識。

政途[編輯]

1985年開始,吳明欽做屯門大興選區區議會議員,同年10月11號喺大興邨畀三個攞住水喉通嘅男人襲擊受傷;1986年開始做區域市政局議員;1989年當選香港十大傑出青年1991年參選香港立法局選舉,以高票當選,成為香港首批泛民主派立法局直選議員。

吳明欽曾經係集區議員、區域市政局議員、立法局議員於一身嘅「三料議員」,亦係香港首位遇襲嘅區議員。

病死[編輯]

1992年2月,吳明欽發現患咗血癌,送到瑪麗醫院骨髓移植手術,但係出現併發症6月22號病逝,享年37歲。香港民主同盟(民主黨前身)派何俊仁爭吳明欽死後留落嚟嘅立法局議席,但係輸咗畀鄉事派候選人鄧兆棠