吻別 (歌)

出自維基百科,自由嘅百科全書
  呢篇文講張學友國語專輯《吻別》。想搵國語專輯吻別嘅話,請睇吻別 (專輯)

吻別》係由香港歌手張學友喺1993年演唱,寶麗金唱片公司錄製嘅一首冠軍歌曲,收錄喺《吻別》專輯入面。

介紹[編輯]

單曲《吻別》由台灣已故音樂人殷文琦作曲,何啟弘填詞,並由殷文琦編曲,收錄喺1993年3月5號推出嘅《吻別》專輯中,單曲吻別作為唱片入面嘅第一主打歌曲獲得咗驚人嘅成功,唔單止囊括大中華地區嘅大小音樂獎項,影響力遍及華人地區,甚至將中文流行歌曲嘅影響力延伸至一啲西方國家。

呢首歌用G♭大調

根據殷文琦嘅描述,單曲《吻別》嘅前身喺1988年創作,佢受到美國意大利中國合拍嘅電影末代皇帝》嘅原創音樂日本音樂大師坂本龍一嘅影響,將中國民族音樂帶入到流行歌曲入面。

2004年米高學搖滾(Michael Learns to Rock)以英文翻唱吻別,歌名為Take Me to Your Heart

2013年開始,阿聯酋杜拜市政廳將《吻別》加入到杜拜噴泉嘅表演項目入面,成為杜拜音樂噴泉額第一首亞洲流行音樂。

另外,劉德華趙學而、胡琳等歌手都翻唱過呢首歌。

榮譽[編輯]

單曲《吻別》喺推出後,成爲咗幾個音樂排行榜嘅冠軍單曲,同接連保持數10星期咁耐。到依家,單曲《吻別》重唔間斷咁攞咗一啲獎項,而世界各地嘅華語電臺,重成日播《吻別》。

  • 「最受歡迎國語歌曲獎金獎」:《吻別》
  • 「最佳填詞獎」:《吻別》
  • 「IFPI國際歌曲大獎」:《吻別》
  • 「最佳年度歌曲」:《吻別》
  • 「最佳編曲人獎」:《吻別》
  • 「最受歡迎歌曲」:《吻別》
  • 「最受歡迎大碟」:《吻別》
  • 「最佳金曲獎」:《吻別》
  • 「二十年金曲獎我最喜愛的一首歌(第一屆-第九屆)」:《吻別》

睇埋[編輯]