鑫鼎鑫

鑫鼎鑫，全名鑫鼎鑫商貿有限公司（Xin Ding Xin Trade Co., Ltd，前稱和高投資（集團）有限公司），係香港一間公司，2025年因為涉嫌詐騙香港政府而出名。董事分別叫呂子聰（LUI Tsz Chung）同陳碧琳（CHAN Pik Lam）。

2025年6月，鑫鼎鑫獲批5,294萬元合約，提供「鑫樂觀音山」桶裝飲用水畀香港政府辦公室。但係嚮8月16號，間公司被政府物流服務署話佢未能信納可繼續履行合約，仲話會轉交警方調查。「鑫樂觀音山」桶裝水印住製造商係樂百氏（廣東）飲用水有限公司廣州分公司，但係樂百事就向傳媒澄清冇同鑫鼎鑫有任何合作關係。 8月20號，政府表示已經即時終止所有同呢間公司同埋有關聯公司嘅合約，包括化學品同資料輸入服務，總共6份。