周俊賢

出自維基百科,自由嘅百科全書
Jump to navigation Jump to search

周俊賢,係香港嘅社會活動人士,亦係小學校友組織嘅前任幹事,佢曾經多次就香港嘅公共交通運輸事務公開咁提出意見而被傳媒所報導。

簡歷[編輯]

周俊賢曾經喺五旬節于良發小學中文五旬節于良發小學宣道會陳朱素華紀念中學中文宣道會陳朱素華紀念中學讀過書。而周俊賢亦都喺2008年到2018年期間擔任五旬節于良發小學嘅校友會幹事,[1]同時於2014年至2016年間獲選為嗰個會嘅副主席。[2]喺2016年10月之後,嗰個會嘅副主席職務改由鍾曉晴中文鍾曉晴接手。

記事[編輯]

周俊賢除咗參與校友組織事務之外,亦都有就鐵路同電視廣播嘅公共事務提出意見同參與公開活動,佢嘅言論亦都曾經俾報紙同電視新聞所報導。

2004年12月21號,九廣鐵路公司馬鞍山鐵路喺嗰日通車,有網民查翻馬鐵通車當日嘅電視新聞片段,發現周俊賢係其中一個喺大圍站大堂等候區入面排頭位等通車嘅乘客,並且喺大圍站開咗4號月台之後,好快咁跑到去搭馬鐵正式啟用之後第一班列車嘅人客。[3]

2009年12月17號,港鐵因為要起沙田至中環綫而喺黃大仙竹園社區會堂舉行《公眾諮詢大會》,[4]有發言嘅人表示竹園邨附近嘅地方出入鐵路車站嘅行人過路設施不足,但係當佢發言之後,俾人話佢唔係喺嗰度住,無資格發言,更加將佢拉跌並且扣住佢雙臂同喝罵,造成肢體衝突。[5]事件俾《明報》報導之後,有網民認到佢就係周俊賢,[6]並邀請佢就呢件事再作回應。[7]

2014年2月17號,通訊事務管理局中環香港大會堂舉行《本地免費電視牌照續期公聽會》,有成功發言嘅與會觀眾認為無綫電視嘅細路節目《放學ICU》仲係用返20幾年前個節目編排模式,喺下晝四點幾做,但係而家啲細路喺下畫四點幾仍然仲喺學校而睇唔到個節目,故此希望電視台能夠調節一下個播映時間,喺翡翠台下畫五點零鐘先好做,甚至希望電視台能夠喺將節目喺夜晚嘅J2再重播多一次。[8]有網民喺公聽會結束之後上載電視台喺晚間新聞報導入面所播出嘅片段,話講嘢嗰個人係周俊賢,[9]而佢嘅言論亦都引發香港多個網上討論區嘅用戶攞咗嚟討論。結果,電視台最終喺2014年10月3號開始,將禮拜一到禮拜五嘅《放學ICU》節目褪遲到下晝4點50分喺翡翠台播映。

2018年8月25號,港鐵因應廣深港高速鐵路香港段香港西九龍站開放日而舉行派飛活動,佢喺接受香港電台視像新聞訪問嘅時候就話,因為以佢所知,鍾意鐵路嘅朋友都想攞到呢啲飛,而且自己都想去參觀,所以就搭頭班東鐵綫火車,喺五點零鐘去到火炭鐵路大樓中文火炭鐵路大樓等攞飛,亦都方便埋所認識嘅鐵路朋友。[10]

2020年2月14號,港鐵屯馬綫一期喺嗰日通車,佢喺接受電視新聞訪問嘅時候,講返自己喺2004年係第一個喺大圍站搭「馬鐵」去烏溪沙站嘅乘客,所以想再嚟一次,希望可以再一次見證「馬鐵」擴展嘅時刻。[11]而佢喺接受報章即時新聞嘅報導入面,更加被講到帶埋凳仔去排隊,仲攞住有自己個樣嘅電視新聞截圖嘅道具去到,被形容到準備得十分充足,亦都講到由於自己係「馬鐵」嘅第一位乘客,所以屯馬綫一期嘅開通對佢嚟講具有特別意義,希望能夠再一次延續歷史,亦會有一種圓滿嘅感覺,而新線喺情人節通車,有人一齊陪住慶祝就會更加閞心。對於當局應對新線開通嘅準備工作,佢形容警力規模明顯比以往大,幾乎每一個站都有警察企咗喺度。而港鐵亦都做足公共關係嘅工作,而且送禮物俾乘客,同以往新鐵路通車嘅做法有啲唔同。不過,佢亦都認為港鐵應該調整車費,馬鐵屯馬綫岀九龍應該要減價,改善「短貴長平」嘅現象,而唔係用優惠就可以塞住市民把口。[12]同時,周俊賢亦都對港鐵安排「𡃁模」派朱古力嘅做法無乜好感,話就算由「𡃁模」主動派朱古力俾自己都唔一定會收,佢認為由嗰班鐵路公司嘅總監派禮物俾自己先至會開心同覺得佢哋有誠意。[13]

[編輯]

  1. "五旬節于良發小學校友會". 原著喺2012-07-04歸檔. 喺2019-08-29搵到.
  2. "五旬節于良發小學校友會". 原著喺2015-07-27歸檔. 喺2019-08-29搵到.
  3. 《馬鞍山鐵路已經投入服務》(香港無綫電視新聞,翡翠台《六點半新聞報道》,2004年12月21日)
  4. Youtube片段:《沙田至中環綫第二輪公眾諮詢 - 第二場黃大仙段公眾諮詢大會(五)
  5. 《沙中線諮詢會爆發肢體衝突》(明報,2009年12月20日,A12版)
  6. 香港網絡大典TYC
  7. Youtube片段:《Re: 沙田至中環綫第二輪公眾諮詢 - 第二場黃大仙段公眾諮詢大會(五)
  8. 兩台續牌公聽會爆罵戰》(星島日報,2014年2月18日)
  9. Youtube片段:《周俊賢對放學ICU的睇法
  10. 高鐵站開放日門票兩小時派完 陳帆料日後毋須補貼港鐵》(香港電台視像新聞,2018年8月25日22時32分)
  11. 屯馬綫一期開通首日運作大致暢順》(香港電台視像新聞,2020年2月14號)
  12. 【屯馬綫通車】鐵路迷站內「開香檳」慶祝通車 轉車人流少市民寧搭巴士》(蘋果日報即時新聞,2020年2月14號)
  13. 請睇佢喺香港電台視像新聞專頁內嘅留言