周勵淇

出自維基百科,自由嘅百科全書
(由周麗淇跳轉過來)
Jump to navigation Jump to search
周勵淇

周勵淇英文Niki Chow,原名周麗琪1979年8月30號—),用過藝名周麗淇,係香港電影同埋電視演員,都有做歌手。鄉下喺上海,香港出世。周勵淇識講廣東話普通話英文日文同埋上海話,擅長中國舞。中學係讀香港天主教鳴遠中學,中五理科畢業。

周勵淇係模特兒周汶錡個妹,本身都係模特兒,2001年俾馬偉豪簽咗之後轉型為演員,拍咗多套網劇、電影,2002年憑《玉女添丁》獲得香港電影金像獎最佳新人獎提名。2005年簽約BMA同推出唱片,成為歌、影、視三棲藝人,佢嘅曲風以情歌為主。

經歷[編輯]

周勵淇得到無綫電視王心慰嘅賞識,喺2003年開始接拍電視劇,首部作品《翡翠戀曲》俾觀眾記住樂天派Ceci,2005年《秀才遇著兵》嘅「拾義妹」,創下最高42點嘅收視。2006年《天幕下的戀人》更將周勵淇嘅人氣推高。2008年有《最美麗的第七天》推出,2009年同鄭少秋鄧健泓等演員合作《桌球天王》。

2005年簽約唱片公司BMA,推出第1張大碟《Pure Niki》;2006年推出《The Child Woman》同《Nikikaka》專輯。2009年推出專輯《Redefine》。2010年推出《F.L.Y》。

周勵淇亦有寫書,處女作《周麗淇·女朋友手記》暢談戀愛經驗同美容扮靚秘方,2006年推出記事繪本《The Child Woman》。2007年再推出散文集《細味心事》。2009年,推出遊記《幸福》,講自己嘅日本東北之旅;因為銷量好,2010年再推出《珍惜》呢本書,介紹日本北海道

出面網頁[編輯]