命名皿

黑繪雙耳樽1410號（收藏於慕尼黑州立文物博物館），係慕尼黑畫家 1410 嘅命名皿。

係古典考古學中，命名皿係一個特別嘅「陶器皿」或「陶樽」，呢啲陶皿嘅畫家性名不詳，但從佢哋嘅創作風格可以分出邊個打邊個。照慣例，會揀最能代表果個畫家風格嘅作品作為「命名皿」，又或者依繪畫題材嘅獨特性或其他特徵嚟命名。

幫呢啲畫家改名係必須嘅，因為大部分嘅古希臘嘅畫家並唔會為佢哋嘅作品處名。為咗方便討論、分析作品同創作生涯，幫佢哋改個名先可以識別出佢哋邊個打邊個。個名可以由陶皿嘅主題、以前嘅擁有人、依家喺嘅邊道地方、出土地點、陶文、固定合作嘅陶工個名、形狀等嚟改。約翰·比茲利（Sir John Beazley），係第一個用Morellian method研究同分析呢啲陶皿嘅人，幫大部分嘅古希臘陶皿畫家改咗名；意大利南部嘅陶皿畫家就多由戴爾·特倫德爾（Arthur Dale Trendall）嚟改名。