和宜合道運動場

場內

和宜合道運動場，香港運動場之一，喺葵涌梨木樹，和宜合道二百九十八號，同和宜合道高爾夫球練習場‎‎相連，英文叫Wo Yi Hop Road Sports Ground。行政上歸葵青區。設施有運動場、仿草地球場，球場為十一人草地足球場。

場一九八七年開張，今下歸康樂及文化事務署管。

設施

場有仿真草草地足球場，跑道三百米長。草地足球場亦當高爾夫球練習場咁用。設有24個泊車位嘅公眾收費停車場，包括一個殘疾人士專用車位，重有練習鏡，更衣室以及貯物櫃。

變

同其他早期設立嘅運動場一樣，和宜合道運動場早年嘅跑道係由瀝青鋪成。約莫響1987年後至改為鋪設全天候跑道。

由於運動場規模較細，唔少喺呢個運動場搞陸運會嘅學校，唯有將400米同4X100米接力賽嘅部份賽道重疊，因此參與呢類賽跑嘅選手，必須喺看台前嘅10 米直路跑道跑多一次呢段賽道，完成賽程。

大型活動

• 仁濟慈善行：仁濟醫院一年一度嘅大型籌款項目，參加人數達萬人，於「和宜合道運動場」舉行起步禮同起步點。

交通

可以搭巴士喺和宜合道運動場站落車，呢幾架都得：九龍巴士32、36、36A、36B、36M、40X、46P、47X、48X、73X、278X。

開放時間

每日開上晝六點十五分至夜晚十點半，高爾夫球練習場逢星期二、日夜晚六至十點開。

逢星期四係運動場保養日。

出面網頁

• 康文署葵青區運動場
• 和宜合道高爾夫球練習場