哈利法塔

哈利法塔（英文：Burj Khalifa，阿剌伯文： برج خليفة），之前叫杜拜塔（英文：Burj Dubai，阿剌伯文：برج دبي）係座世界第一高嘅摩天大廈，有 828 米高^[1]，佔地兩平方公里，位於阿剌伯聯合酋長國嘅杜拜。

工程[編輯]

個工程由2005年4月15號開始。由於當局驚住其它國家加入競爭起更高嘅大廈，杜拜塔嘅高度一路都保密。但係根據其中一個承包商發放嘅資料顯示，杜拜塔最後會有808米^[2]。

喺2008年9月1號，杜拜塔已經有707米高，暫時成為中東最高、世界第7高嘅摩天大廈。

2009年，杜拜塔嘅高度已經達到去818米，亦成為咗人類首個高過800米嘅建築，封頂後更係世界第一高樓。

杜拜塔喺2010年1月4號開幕，當局正式宣佈佢有828米高。