哈利波特前傳

 

《哈利·波特前傳》（英文：Harry Potter prequel ）係由J·K·羅琳喺2008年創作嘅１部800字冇標題嘅短篇小說，用嚟做慈善拍賣活動嘅１部分，拍賣得到咗£25,000英鎊嘅收益。嗰個短篇小說後尾同其他作家手寫類似卡片嘅相一齊以《你的故事是甚麼What's Your Story》為題嘅明信片收藏套裝嚟推出，嗰個明信片收藏套裝喺2008年6月11號喺網上刊載咗出嚟。

嗰個故事設定喺《哈利波特》系列事件發生嘅３年之前（即係哈利出世之前），講述天狼星·布萊克同詹姆·波特經歷咗一段同兩個麻瓜警察相遇嘅冒險故事。

故事概要

故事講述兩個麻瓜警員 — 安德森探員PC Anderson同埋費雪探長Sergeant Fisher，佢哋將１架超速嘅電單車追趕到去個掘頭巷嗰度，仲將身為駕駛者嘅天狼星·布萊克同詹姆·波特逼到埋牆角。正當警察諗住用超速同駕駛嗰時唔戴頭盔嘅罪名拉佢哋嗰陣，３個騎住飛天掃把嘅男子喺佢哋４個對峙嗰陣向住掘頭巷向下飛過條巷。詹姆同天狼星用佢哋嘅魔杖施展魔法掀反咗警察架車嚟造成屏障，令嗰啲飛天掃把撞咗上去，令騎住掃把嘅人冇咗知覺。正當兩個警察驚到互相捉住對方嗰陣時，天狼星同詹姆返到上佢哋架電單車度飛走咗，將兩名嚇親受驚嘅警察留喺條巷裡面。

歷程

背景

• 2008年5月28號，羅琳宣佈指佢啱啱幫作家協會English PEN同Dyslexia Action寫緊一篇故事前傳。
• 2008年6月11號，倫敦皮卡迪利街嘅水石書店舉辦咗１場叫做《你的故事是甚麼？What's Your Story?》嘅慈善活動，嗰個包括羅琳在內嘅１３位其他作家受邀喺１張相類似嘅A5卡片上面寫低故仔嚟做拍賣，羅琳仲喺佢手寫嘅卡片上簽名，所得嘅收益遲啲將會捐畀慈善團體English PEN同Dyslexia Action。
• 羅琳嘅故事卡片最終用£25,000英鎊嘅價錢賣咗畀比良·迪格帕爾Hira Digpal，佢係１間以東京做總部嘅投貿銀行顧問公司「紅–３３Red-33」嘅董事，而成套卡片嘅銷售總額係£47,150英鎊 。

盜竊

• 2017年4月，嗰個前傳嘅手稿喺伯明翰嘅１單入屋爆竊案裡面畀人偷咗。羅琳喺推特上面發布咗呢件事，要求粉絲唔好買嗰個作品，而西米德蘭茲郡嘅警方呼籲提供資料。
• 嗰單入屋爆竊案嘅受害者話畀英國廣播公司知，話呢件作品係「無價之寶」，如果又再合法賣出嘅話，就有可能幫其他公益事業嚟籌錢。佢話：「認為無論係邊個攞走或者偷走佢，又或者可能買咗佢嘅人，都唔會真正理解呢樣嘢對嗰度嘅人嘅好處，佢可以做啲咩。」佢話。「若果毀咗，或者唔見咗，咁就係好大嘅損失。」

後續

• 2008年8月，為咗畀粉絲可以擁有同睇到呢個故仔，羅琳為咗咁而印製咗１本明信片冊。
• 羅琳已經排除咗為波特系列寫１個完整前傳嘅可能性，仲要用呢句說話嚟做嗰個故仔卡片嘅結語：「嚟自我唔會寫落去嘅前傳 —— 但呢個好有趣 ！」

外部連結

• JK 羅琳官網嘅官方聲明
• 喺呢度睇故事（格林芬多公報）