啤酒館政變

啤酒館政變

啤酒館政變（德文：Hitlerputsch）係納粹黨領袖希特拉、魯登道夫等人喺威瑪共和國時期嘅1923年11月8到9號，喺巴伐利亞慕尼黑發動但最終失敗嘅奪權行動。事件受意大利嘅墨索里尼嘅「向羅馬進軍」啟發，企圖用慕尼黑做基地北上推翻柏林中央政府。11月8號晚，希特拉帶住約600名衝鋒隊突入布格爾啤酒館、鳴槍並宣稱革命開始；第二日約兩千納粹行到元帥堂畀警方攔截，令到15名納粹、4名警員同1名途人喪生。希特拉之後被拉，以叛國罪受審入獄，喺蘭茲貝格監獄口述《我嘅奮鬥》，九個月之後獲釋，呢一役亦令佢首次躍上全國舞台。