喬美莎

喬美莎（英文：Chelsea Mason；2005年—）係澳洲華裔女模特兒，喺悉尼出世同長大，爸爸係英國人，媽媽係北京人，有一個妹妹。爸爸係商人，喺澳洲做郵遞生意，有三間舖頭，但交畀下屬打理^[1]。2022年，佢喺悉尼賽區用「喬西美莎」名義參加《澳洲華裔小姐競選》，最終攞到冠軍兼最上鏡小姐^[2]。2025年，佢讀緊澳洲某間大學表演藝術學士課程第一年嗰陣，為「證明自己」而揀咗暫時休學，嚟香港報名參加無綫電視嘅真人騷歌唱比賽節目《聲秀》，曾經喺比賽裡面表演擅長嘅拉丁舞同街舞，成功入圍首輪25強後止步。^[3]^[4]雖然喺第一輪就被淘汰，但佢打算將來繼續留喺香港發展同生活。