單次同多次繁殖

出自維基百科,自由嘅百科全書
(由單次繁殖跳轉過嚟)
2015 年影到隻八爪魚乸守住自己啲(數以萬計嘅)蛋;隻乸嘅伴侶應該經已死咗,而且佢喺啲仔女出世之後都會同一下場。

生物學上,單次繁殖semelparity形容詞 semelparous)同多次繁殖iteroparity,形容詞 iteroparous)係兩套相對嘅繁殖策略:

  • 如果話一隻物種係「行單次繁殖」嘅,即係話呢隻物種啲典型個體係頂櫳生一次後代,生完就會嘅;
  • 而如果話隻物種係「行多次繁殖」嘅,就係指隻物種啲典型個體成世有得生好多次後代都得。

事實表明,呢兩套策略喺進化上都係可行嘅。

單次繁殖物種[編輯]

好似八爪魚就係行單次繁殖嘅物種。喺交配咗一次之後,啲八爪魚會進入加速嘅衰老而死亡,而啲八爪魚生咗蛋同守完啲蛋(一路唔食嘢,守到啲仔女出世為止)之後就會監生餓死。雖然噉做係會搞到阿爸阿媽死亡,但原則上又同時會令生態系入面多咗嘅空間同資源畀啲仔女生存。事實係生態學研究指,行單次繁殖嘅物種往往可以一次生大量嘅仔女-例如八爪魚雖然繁殖一次就死,但每次繁殖都閒閒哋生到數以萬計[註 1]嘅後代[1]

多次繁殖物種[編輯]

好似人類就係行多次繁殖嘅。喺呢啲物種當中,一對典型嘅父母一世可以生多次細路,而且每次生嘅後代數量唔多-貓同狗每次頂櫳生嗰幾隻後代,人就係每次通常生一兩個,而且唔會話生完父母就死。事實係,哺乳類差唔多冚唪唥都係行多次繁殖嘅。

註釋[編輯]

  1. 視乎物種,唔同種嘅八爪魚每次生嘅蛋數量唔同,由每次 10,000 粒至每次 70,000 粒都有。

睇埋[編輯]

文獻[編輯]

  • Fritz, R.S.; Stamp, N.E.; Halverson, T.G. (1982). "Iteroparity and semelparity in insects". The American Naturalist. 120 (2): 264-68.

參攷[編輯]

  1. Wells, M. J. (1978). Octopus, Physiology and Behaviour of an Advanced Invertebrate. Springer Science & Business Media.