單翼天使

出自維基百科,自由嘅百科全書
跳去導覽 跳去搵嘢

單翼天使》(英文My Guardian Angels)係2018年新加坡新傳媒製作嘅復仇情感劇,由陳金祥李世雄郭靜敏馬松欣導演,陳秀群蔡思敏黃子曦風築張亮星王筱微編劇,鄭惠玉鍾琴方展發洪凌等主演。呢套劇係新傳媒2020年原創劇之一。以三位媽媽嘅視角展開,係一部以媽媽為出發點嘅故事。

劇情[編輯]

《單翼天使》嘅第一位媽媽係施若芸(鄭惠玉飾演),佢係令人艷羨嘅富婆,老公非常有錢,自己就係全職太太。但係當丈夫出軌,開頭佢啞忍但最後都係離婚而且獨自孭起頭家[1]

吳淼淼(鍾琴飾演)係特立獨行嘅媽媽,深信自己又靚又有腦,永遠值得更好,但佢都有自己嘅煩惱[1]

最後葉思今係標準化嘅大多數,男友失踪好耐,自己有一份普通工作,安心做一個平凡未婚媽媽,但細路嘅頑皮同生活嘅壓力漸漸壓垮佢。

而之後嘅劇情,就圍繞3個單親媽媽從冤家轉為彼此扶持嘅好鄰居[1]

播出時間[編輯]

首播[編輯]

頻道 所在地 播放日期 時間
新傳媒8頻道 Flag of Singapore.svg 星加坡 2020年4月6號 週一至週五21:00起
Astro AEC 馬來西亞 馬來西亞 2020年4月6號 週一至週五20:30起

獎項[編輯]

鍾琴同鄭惠玉都憑呢套劇入圍2021年紅星大獎最佳女主角,而陳政序陳宥恩就分別入圍最佳新人同青蘋果獎。最後鄭惠玉憑呢套劇,第四度喺紅星大獎獲得最佳女主角[2]

爭議[編輯]

有位網民指控呢套劇有一啲劇情唔尊重LGBT群體。呢套劇出現咗飾演父母嘅黃炯耀同鍾琴擔心自己個仔同另一個男仔拍拖,而過度保護個仔嘅阿媽就一直監視住個仔,最後發現個仔其實係對住喺隔離嘅女仔有興趣。個老豆就話『你應該高興兒子對女生感興趣』。對此,新傳媒就回應話情節係講緊父母同子女喺現實生活中交流有關性取向話題時所面對嘅掙扎。另外一段劇情就講緊一名戀童癖者成為咗男子籃球隊嘅教練,非禮同性。新傳媒就話,出現呢段情節嘅目的係要等年輕人知道,當面對潛在危險嘅時候,應該唔好驚,尋求協助,勇敢保護自己。而新傳媒之前亦曾經喺其他電視劇中描繪過戀童癖者對少女進行引誘。另外,新傳媒亦呼籲公眾唔好對喺劇入面飾演父母嘅鍾琴同黃炯耀進行人身攻擊又向公眾道歉,話以後會謹慎[3][4]

參考[編輯]

  1. 1.0 1.1 1.2 "郑惠玉、鐘琴出演《单翼天使》 感叹单亲妈妈不易当". www.8world.com. 喺2021-04-19搵到.
  2. 黄少伟, 文 /. "《红星大奖》首次在樟宜机场举行 郑惠玉蝉联视后 | 早报". www.zaobao.com.sg (英文). 喺2021-04-19搵到.
  3. "8视界". www.8world.com. 原著喺2021-04-19歸檔. 喺2021-04-19搵到.
  4. "《单翼天使》被批带歧视 新传媒:会注意戏剧角色刻画 | 早报". www.zaobao.com.sg (英文). 喺2021-04-19搵到.