大正天皇

出自維基百科,自由嘅百科全書
(由嘉仁跳轉過嚟)
嘉仁
在位1912年至1926年
前任老豆明治天皇
繼任大仔昭和天皇
私人明細
配偶貞明皇后
仔女昭和天皇
秩父宮雍仁親王
高松宮宣仁親王
三笠宮崇仁親王
年號大正
明治天皇
柳原愛子
嘉仁嘅簽名

大正天皇日文大正天皇たいしょうてんのう Taishō Tennō1879年8月31號1926年12月25號),原名嘉仁,乳名明宮,係日本第123代天皇,1912至1926年在位。佢同時係上皇明仁阿爺、昭和天皇老豆,阿媽係明治天皇嘅典侍柳原愛子

喺佢在位期間,日本開始民主化,並日漸強大。但佢死後嘅一連串事件令到軍國主義抬頭,所有民主化成果都化為烏有。

經歷[編輯]

出世[編輯]

明治十二年(1879年)7月14號上晝8點20分,嘉仁喺東京赤坂區青山御所出世,老豆係明治天皇,媽咪係權典侍柳原愛子。嘉仁仲有2位同係由柳原愛子所生嘅家姐梅宮薰子內親王(1875-1876)及大哥建宮敬仁親王(1877-1878),但係都夭折。由於權典侍屬於後宮女官,名義上並唔屬於明治天皇正式嘅妃嬪,雖然係就係生咗個仔,但柳原愛子除咗喺女官職務上嘅提升之外,並冇獲得任何晉封同埋名號。相似嘅前例仲有明治天皇嘅生母中山慶子

嘉仁從1879年出世之後一直到1889年之間,係由明治天皇生母中山慶子負責養育。細個嗰陣,嘉仁曾患有腦疾,雖然經過治療有所好轉,但係佢嘅精神狀態好差。

成為皇太子[編輯]

13歲嘅嘉仁皇太子,攝於1892年

按照繼承順位,由於皇后一條美子冇生到仔女,嘉仁喺成年之後,於1888年11月被明治天皇冊立為皇太子。

大婚[編輯]

嘉仁皇太子大婚,攝於1900年

1893年,伏見宮貞愛親王個女禎子女王日文山内禎子被內定為未來嘅皇太子妃,但係喺1899年因為有肺病嘅疑慮被取消同嘉仁親王嘅婚約。1900年5月10號,21歲嘅嘉仁迎娶九條道孝公爵四女九條節子(即後來嘅貞明皇后)為皇太子妃;1901年禎子女王降嫁山內豐景日文山内豊景侯爵,即使冇得做皇太子妃,禎子依然同後來繼位為皇后嘅節子幾有交情。

日本天皇同皇室自大正之後就開始咗一夫一妻制度。嘉仁婚後同妻子之間感情良好,皇太子妃打破一般慣例,親自喺丈夫身邊照料,並生咗四個仔,即裕仁親王(昭和天皇)、雍仁親王宣仁親王崇仁親王

喺大正天皇大婚期間,日本全國各地都種咗大量櫻花,係人民對天皇嘅祝賀。

即位[編輯]

1912年(明治45年)7月30號,明治天皇駕崩,32歲嘅嘉仁繼位,年號大正,攞易經嘅「亨以,天之道也」嘅意思。

大正政變[編輯]

大正時代開始嗰陣,軍部推行急劇增加軍備,不過嗰陣日本有嚴重嘅財政困難。經過日俄戰爭,日本將朝鮮同中國東北部劃為自己嘅勢力範圍,令到軍備需求急速膨脹。1912年12月,西園寺公望內閣因陸軍部要求擴軍兩個師團而集體辭職,由軍閥巨頭桂太郎接替。但係桂太郎上台引起抗議,東京爆發第一次護憲運動。呢場運動嘅幕後支持者係企圖從軍閥,官僚手中奪取政權嘅資本家。1913年,反對黨提出彈劾內閣案,迫使國會休會。憤怒嘅市民包圍國會,破壞警察局派出所,形勢惡化。大正天皇出面干涉,佢希望維持政局穩定,桂太郎內閣因此落台。民主運動戰勝保守勢力,史稱「大正政變」。

大正民主[編輯]

以第一次護憲運動為起點,要求政黨政治嘅民主運動,喺1914年終於實現咗政黨議會,呢個成果被人叫做「大正民主」。呢個時候歐洲爆發一戰,而日本經過明治維新,接受西方文化同思想,國家平穩發展,造成日本一片繁華,令到大正前期為明治維新之後前所未有嘅盛世。

但係大正民主並冇改變日本對外侵略擴張嘅政策。大軍閥山本權兵衛組閣後,提出大規模擴充海軍嘅預算案。人民掀起第二次護憲運動,山本內閣落台。歐戰完咗之後,民主氣息濃厚,開始「大正民主時期」。

在位後期[編輯]

大正天皇自幼多病,曾經患上腦膜炎留下後遺症,40歲又患腦血栓,仲變成精神病,搞到皇太子裕仁要攝政,不過大正同大仔裕仁嘅幕僚不和,形成兩個唔同嘅派別,晚年嗰陣,大正天皇仲被記載話佢精神錯亂添。1923年發生關東大地震,死咗好多人。不過大正天皇精神差而搞到唔知情,加上在位期間有好多天災人禍,所以大正天皇畀人叫做「唔好彩嘅大正」。

過身[編輯]

1926年(大正十五年)聖誕,大正天皇死於心臟麻痺,享年四十七歲。死後葬喺東京多摩陵,係第一位葬喺東京嘅天皇。

屋企[編輯]

嘉仁同佢兩個仔裕仁、雍仁(最左手面嗰個人係隨從)

老豆:明治天皇

阿媽:柳原愛子

老婆:貞明皇后

系譜[編輯]

閑院宮系圖後土御門天皇系伏見宮系圖
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
典仁後桃園天皇貞行邦忠邦賴
 
 
 
 
 
 
 
 
 
 
 
 
 
 
美仁光格天皇貞敬
 
 
 
 
 
 
 
 
 
 
 
 
 
 
 
 
孝仁仁孝天皇邦家守脩
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
愛仁孝明天皇朝彥貞教彰仁能久博經智成貞愛載仁依仁
 
 
周子
皇籍脫離
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
明治天皇菊麿邦憲邦彥守正
皇籍脫離
鳩彥
皇籍脫離
稔彥
皇籍脫離
恆久成久博厚博恭春仁
皇籍脫離
 
 
 
 
 
 
 
 
 
 
 
 
 
 
 
 
 
 
 
 
 
 
 
 
大正天皇武彥
皇籍脫離
恆憲
皇籍脫離
朝融
皇籍脫離
恆德
皇籍脫離
永久博義博忠
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
昭和天皇雍仁宣仁崇仁道久
皇籍脫離
博明
皇籍脫離
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
明仁
平成天皇
正仁寬仁宜仁憲仁
 
 
 
 
 
 
 
 
 
 
 
 
 
 
德仁
今上天皇
文仁
 
 
悠仁
前任:
明治天皇
日本天皇
1912年7月30日-1926年12月25日
繼任:
昭和天皇