四院制

四院制（英文：Tetracameralism），即係由四個議院組成嘅議會，同而家常見嘅一院制同兩院制相比，三院制同四院制係非常罕見。

歷史

中世紀時候嘅斯堪的納維亞議會（Riksdag of the Estates），就有四個議院，分別由靈（教士）、俗（貴族）、城（城市嘅市民）、鄉（鄉村嘅農民）四界組成。瑞典國會同埋芬蘭國會維持四院制嘅時間最長，四個議院係各自獨立運作。

瑞典國會維持四院制直到1866年，隨即改為兩院制，並喺1970年進一步改做一院制。

法國歷史上都曾經有過四院制。1800年，通過霧月政變上台嘅拿破崙制定「共和八年憲法」，規定立法權分屬參政院、保民院、立法院、元老院四個院，但係四院形同虛設，所有嘢都係由第一執政，即係拿破崙話事。

芬蘭作為俄羅斯帝國嘅一部分，直到1906年之前都維持四院制議會。隨後就被普選、現代化嘅一院制國會取代。