國鐵
國鐵（粵拼：gwok3 tit3；英文：government-owned railway）係國有鐵路（gwok3 jau5 tit3 lou6）、國營鐵路（gwok3 jing4 tit3 lou6）嘅簡稱，即係話條鐵路係國家/政府所有，兼且由國家/政府直接經營，相對應嘅係私鐵。
國鐵形態[編輯]
喺國際上，按以下形態經營嘅鐵路營運組織，會稱做「國鐵」。佢哋公司嘅英文名一般叫做National Railway、State Railway、Republic Railway等。
- 國營鐵路：呢種鐵路國家所有，政府直接出面經營，屬於國營事業，所以計入國家預算。譬喻而家嘅臺灣鐵路管理局、2013年裁撤嘅中國鐵道部、1949年之前嘅日本國有鐵道。
- 國有鐵路：鐵路嘅所有者係政府注資嘅公司，由公司去經營，但間公司屬於公共企業，法律地位係非商事法人。譬喻而家中國大陸嘅中國鐵路總公司、加拿大嘅維亞鐵路、1949年後嘅日本國有鐵道、韓國鐵道公社。
- 國有鐵路：同上面情況唔同在於間公司屬於有限公司，法律地位係商事法人。因爲同樣都係政府出資，所以屬於國營企業、國有企業。譬喻1982年前嘅法國國家鐵路、奧地利聯邦鐵路。美國嘅美鐵、啱成立時嘅日本JR七公司喺形態上亦都接近呢種類型嘅國有鐵路。
喺營運者採用法人形態（即企業形態）嘅國，有唔少係以商事法以外嘅特別法作爲法人嘅設立根據[1]，因此佢哋係特殊法人或者特殊公司。另外，好似舊時東歐社會主義國家等，呢啲地方由於歷史因素私鐵少到近乎無，只有國營或者國有嘅鐵路單位，於是啲人單純稱呼佢哋做「鐵路」「鐵路企業」等，鐵路單位嘅名稱或者簡稱係相當於「國鐵」嘅用語。
國鐵一覽[編輯]
亞洲[編輯]
- 中華人民共和國鐵道部，中華人民共和國嘅國鐵，已經裁撤咗，而家轉爲中國鐵路總公司
- 臺灣鐵路管理局，中華民國嘅國鐵
- 馬來亞鐵路，馬來西亞嘅國鐵（馬來話：Keretapi Tanah Melayu Berhad，縮寫：KTMB）
- 泰國國家鐵路局，泰國嘅國鐵（泰文：การรถไฟแห่งประเทศไทย）
- 越南鐵路，越南嘅國鐵（越南文：Đường sắt Việt Nam／塘鐵越南）
- 菲律賓國家鐵路，菲律賓嘅國鐵（他加祿話：Pambansang Daangbakal ng Pilipinas，英文：Philippine National Railways，縮寫：PNR）
- 日本國有鐵道，日本嘅國鐵（日文：
日本国有鉄道 ），係而家JR嘅前身 - 韓國鐵道公社，韓國嘅國鐵（韓文：
韓國鐵道公社 ，文觀部式轉寫：hanguk cheoldo gongsa） - 北朝鮮/北韓嘅全部鐵路都係國有，請睇朝鮮民主主義人民共和國鐵路
- 印度鐵路公司，印度嘅國鐵（英文：Indian Railways）
歐洲[編輯]
- 德國鐵路，德國嘅國鐵（德文：Deutsche Bahn，縮寫：DB），前身係德國聯邦鐵路同德國國營鐵路
- 比利時國家鐵路，比利時嘅國鐵（荷蘭文：Nationale Maatschappij der Belgische Spoorwegen，法文：Societe Nationale des Chemins de fer Belges）
- 瑞士聯邦鐵路，瑞士嘅國鐵（德文：Schweizerische Bundesbahnen，縮寫：SBB；法文：Chemins de fer federaux suisses，縮寫：CFF；意大利文：Ferrovie federali svizzere，縮寫：FFS；羅馬傳話：Viafiers federalas svizras）
- 英國鐵路，英國嘅國鐵（英文：British Railways）
- 奧地利聯邦鐵路，奧地利嘅國鐵（德文：Osterreichische Bundesbahnen，縮寫：OBB）
- 意大利鐵路，意大利嘅國鐵（意大利文：Trenitalia）
- 法國國家鐵路，法國嘅國鐵（法文：Société Nationale des Chemins de fer Français，縮寫：SNCF）
- 西班牙國家鐵路，西班牙嘅國鐵（西班牙文：Red Nacional de los Ferrocarriles Españoles，縮寫：RENFE）
- 荷蘭鐵路，荷蘭嘅國鐵（荷蘭文：Nederlandse Spoorwegen，縮寫：NS）
- 盧森堡國家鐵路，盧森堡嘅國鐵（盧森堡話：Société Nationale des Chemins de Fer Luxembourgeois，縮寫：CFL）
- 葡萄牙鐵路，葡萄牙嘅國鐵（葡文：Comboios de Portugal，縮寫：CP）
- 丹麥國家鐵路，丹麥嘅國鐵（丹麥文：Danske Statsbaner，縮寫：DSB）
- 挪威國家鐵路，挪威嘅國鐵（挪威文：Norges Statsbaner AS）