圓葉風鈴草

外觀

石上生。可以見底部圓葉。

圓葉風鈴草、圓葉風鈴、兔風鈴、藍鐘，草木一種，開花植物來嘅，多年生草本，歸桔梗科風鈴草屬。遍佈舊大陸北溫帶，亦有說法分佈成個北半球。夏末到秋天開花，鐘仔咁，紫藍色。

圓葉出自拉丁文學名。葉指基葉，唔係所有葉都圓形，中上莖葉直嘅。

描述

草本多年生植物，纖細，可以貼地生，可以直立生，傳播靠種籽、地下莖根莖。基生葉有長柄，形狀圓形心形，帶少少鋸齒，有明顯吐水孔，往往早枯。開花莖上葉又長又窄，上部葉通常無葉柄。

同其他風鈴草屬一樣，受損、折斷時，各部分都會滲出白色乳汁。

花

圓錐花序或總狀花序，花生喺好幼花梗，有一朵有多朵。花瓣五片，有時四六七片，淺紫、中等藍紫，融合成鐘形，長約十二到卅公釐，後面有萼片五片，綠色，又長又尖。花有可能淡粉紅、白色。花瓣裂片呈三角形，外彎。

花期長，因地而異。不列顛群島西曆七到十一月。蜜蜂授粉、自花授粉都得。

果

蒴果直徑三四公釐，底部有孔。

種

種籽生蒴果入面，果底細孔放出來。

苗

幼苗好細，成株後可以同高草競爭。

分類

林奈一七五三年首次描述。一般都唔受人描述亞種。

分佈、棲息地

由冰島向南經不列顛群島到西班牙，向東穿過歐洲、亞洲去到俄國太平洋海岸、中國東北部。但北美洲就冇。亦有話冷岸羣島同格陵蘭南岸。

有啲來源、權威機構，無同北美洲物種分開唔。用呢啲來源，會廣泛分佈喺北美洲，包括全加拿大同大部分美國。

歐洲大陸二倍體。英國、愛爾蘭四倍體、六倍體。喺英國，四倍體種羣向東分佈，六倍體係向西，範圍邊界好少混合。

生喺草原、荒原，中意乾燥、營養貧乏。定居牆壁、懸崖裂縫，或者穩定沙丘上。

喜好氣候環境，寒冷月份平均氣溫低於攝氏零度，而夏季平均氣溫高於十度。

寄生物

冰島度，佢至至少三種致病真菌宿主，風鈴草鞘鏽菌、風鈴草柄鏽菌、風鈴草殼孢菌，同䵽有性型放射小盤菌。

文化

宗教上獻給聖道明。