團年飯係唐人文化習俗之一，喺過年前嘅一餐晚飯，江南、粵港澳地區稱為團年飯，星馬地區稱為團圓飯，華北地區普遍稱為年夜飯，閩南同臺灣稱為圍爐，目的係為咗一家人團聚，通常喺年卅晚或年廿九大除夕食。但係近代人生活忙碌，未必可以約到大家喺大除夕一齊，團年飯亦可以喺農曆新年之前任何一日，亦可以係晏晝飯。
團年飯嘅餸都係有意頭嘅，有雞有魚有肉，髮菜蠔豉意味發財好事。
團年飯可以喺屋企食，亦可以喺酒樓食，唔少食肆都會推出團年飯套餐。
以前尊重長輩，埋位要分長幼次序，等齊人先開飯，而家就冇咁多規矩。
