在咖啡冷掉之前

《 在咖啡冷掉之前（粵拼：Zeoi6 Ga3 Fe1 Laang5 Diu6 Zi1 Cin4） 》（日文：コーヒーが冷めないうちに） ，廣東話口頭叫《 喺咖啡變凍之前（粵拼：Haai2 Ga3 Fe1 Bin3 Dong6 Zi1 Cin4） 》；係2018年一套日本科幻片電影。呢套戲係喺同名小說度改編出嚟，導演係塚原亞由子，主角係有村架純，佢做嘅角色係咖啡舖打工仔。

呢套戲大約係兩個鐘，日本喺2018年9月21號首映。

故仔

傳說呢間咖啡舖「纜車之行」有個都市傳說，入面有個位，只要坐上去飲咖啡就可以返到過去自己希望想返去嘅嗰一日。但係有五個條件，首先，就算返到過去，都改變唔到已經發生咗嘅事。第二，就係返到過去之後無論點都唔會見到一啲未嚟過呢間咖啡舖嘅人。第三，即使返到過去，都唔可以離開連接過去同現實嘅嗰個位。第四，呢個位其實係有人坐嘅，必須要耐心等到呢個神秘人走咗之後先可以行埋去坐。第五，返到過去係有時間限制，由咖啡倒入杯入面時間就開始計，直到咖啡變凍為止，如果冇喺咖啡變凍前飲咗佢，咁就永遠返唔到去現實，停喺過去嘅時空。正正因為咁，基本上冇乜人希望返去過去，但係亦因為有咁多規則，而發展成四個感動人心嘅故仔，亦帶出咗「只要改變當時嘅心態，即使改變唔到現實，但係都可能創造到一個更加好嘅將來」嘅道理。

演員

• 時田數 - 有村架純
• 新谷亮介 - 伊藤健太郎
• 清川二美子 - 波瑠
• 賀田多五郎 - 林遣都
• 時田流 - 深水元基
• 平井久美 - 松本若菜
• 高竹佳代 - 藥師丸博子
• 平井八絵子 - 吉田羊
• 房木康徳 - 松重豊
• 夏服女人 - 石田百合子

幕後

• 原作 - 川口俊和「コーヒーが冷めないうちに」「この嘘がばれないうちに」（サンマーク出版刊）
• 監制 - 塚原あゆ子
• 劇本 - 奥寺佐渡子
• 音樂 - 横山克
• 主題歌 - YUKI「トロイメライ」（EPICレコードジャパン）
• 攝影 - 笠松則通
• 燈光 - 渡邊孝一
• 收音 - 武進
• 美術 - 五辻圭
• 服裝 - 宮本まさ江
• 編集 - 宮島竜治

拎

• 《在咖啡冷掉之前》喺互聯網電影資料庫嘅資料（英文）