坍塌搜救專隊

出自維基百科,自由嘅百科全書
跳去導覽 跳去搵嘢
坍塌搜救專隊

坍塌搜救專隊[1]英文Urban Search And Rescue Team,縮寫USAR或者USAR Team)喺2009年11月7號成立,係隸屬香港消防處嘅特種救援隊,負責處理樓宇、橋樑、隧道、山坡、山泥傾瀉等重大坍塌事故嘅城市搜索及拯救任務[2]

組織[編輯]

坍塌搜救專隊嘅人員從特種救援隊中挑選組成,現有125名人員,包括近20名救護員。隊員日常被編入紅、黃同藍3隊,分別駐守香港總區西灣河消防局、九龍總區九龍灣消防局以及新界總區東涌消防局;每局每日至少有8名人員當值,以每3個月輪更制執勤,日班同夜班分別有7架同3架擁擠救護人員當值嘅救護車候命。另外,坍塌搜救專隊轄下有搜索犬專隊。

人員輪流候命準備隨時執行任務,每次候命總期為3月;平時就執行日常崗位嘅職務。一旦發生重大坍塌事故,就會奉命出動[3]。與此同時,因應需要,坍塌搜救專隊亦會出勤出境協助境外事故處理。

歷史[編輯]

2008年,香港消防處派遺特種救援隊協助處理四川大地震嘅拯救行動。事發過後,處方認為有需要進一步提升人員處理坍塌事故嘅能力,以防範於未然。因此喺同年7月,挑選出600名精英接受為期5日嘅坍塌專業訓練,通過考核嘅有百幾人,被納入新成立嘅坍塌搜救專隊。

坍塌搜救專隊喺2009年11月7號成立,首次奉召出勤係馬頭圍道冧樓。經過呢件事,消防處喺2010年投資710萬港元,用作全面提升坍塌搜救專隊力量,包括兩隻引入自中國地震局嘅拉布拉多坍塌搜救犬,以協助提升救援效率,同時派出2名人員接受為期3個月嘅領犬員訓練,耗資22萬港元,2011年1月10號開始投入服務[4];引入咗一架價值220萬港元嘅坍塌搜救車,2011年5月投入服務。此外,處方喺上水物色場地,建議用300萬港元起坍塌搜救訓練場,預計2011年投入服務。

2011年年初,搜索犬專隊成立。同年9月15號,耗資500萬港元喺上水起嘅坍塌搜救專隊訓練場啟用[5]

遴選訓練[編輯]

專隊訓練場地初時暫時設喺西九龍救援訓練中心附近嘅臨時場地,由2011年9月15日開始,改為位於上水嘅坍塌搜救專隊訓練場[6]

投考加入坍塌搜救專隊嘅人員必須擁有良好嘅體能同埋心理質素,擁有獨立思考能力,無幽閉恐懼症。人員要喺各項體能考試達120分,喺21分鐘內完成4.8公里跑步測試,再通過嚴格嘅訓練至可以成功入隊,並遠赴海外(包括英國美國澳洲等)接受相關訓練,考獲國際認可嘅坍塌搜救資格等[7]。人員都接受過進階坍塌搜救訓練、大型事故訓練及大型救援工作訓練等[8]

裝備[編輯]

工具[編輯]

  • 通話器
  • 切割器具
  • 電動鑽孔機
  • 伸縮窺視鏡
  • 視頻內窺鏡
  • 生還者搜索儀[9]
  • 生命探測器(LifelocatorIII+),四部新式嘅生命探測器喺2010年9月投入運作,斥資120萬港元,可穿透6米厚嘅瓦礫,憑被困者嘅呼吸同脈搏微動,搵出位置[10]
  • 聲納探測器
  • 熱能探測器
  • 視像探測器[11]
  • 電動液壓救援工具,可以喺狹窄空間進行拯救,用嚟支撐有倒塌危機嘅牆壁橫樑,並搜尋瓦礫下生還者嘅搜索儀器[12]
  • 八爪魚重型拯救系統,價值48萬港元,喺荷蘭買入,可以將重物提升至最高嘅2米,最大頂升力有132噸[13]

[編輯]

坍塌搜救專隊備有特別製造嘅消防車,可以配備重型嘅搜索及拯救裝備,該車耗資220萬港元製造,2011年5月投入服務[14][15]。坍塌搜救車係四輪驅動,可以行崎嶇路面,並且配備各種搜索、爆破及拯救器材,另外亦備有獨立發電機、全方位探射燈、小型工具維修間同活動式帳篷等,用嚟應付冧樓同山泥傾瀉等事故。坍塌搜救車至今駐守位於八鄉嘅消防學堂[16]

已知行動紀錄[編輯]

參考[編輯]

  1. 「坍塌」粵語讀作灘塔
  2. 坍塌搜救專隊
  3. 消防精英「坍塌搜救專隊」
  4. 殘廢消防車 17月未解決
  5. 消防斥資五百萬建坍塌搜救訓練場啟用《商業電台》 2011年9月15日
  6. "百消防精英組坍塌搜救隊". 原著喺2009年12月26號歸檔. 喺2012年7月6號搵到.
  7. "坍塌專隊隨時候命 消防增專用搜救車". 原著喺2011年1月30號歸檔. 喺2012年7月6號搵到.
  8. 坍塌搜救專隊
  9. 消防七百萬添搜救裝置
  10. 搜救隊添置生命探測儀
  11. 坍塌搜救專隊助塌樓搜救
  12. 坍塌搜救專隊首受考驗
  13. "坍塌搜救犬". 原著喺2011年1月31號歸檔. 喺2012年7月6號搵到.
  14. 坍塌搜救隊將配備先進儀器提高拯救效率
  15. "消防斥710萬 坍塌搜救隊「升呢」". 原著喺2012年10月29號歸檔. 喺2012年7月6號搵到.
  16. "專隊訓練場提升坍塌搜救效率". 原著喺2018年9月29號歸檔. 喺2012年7月6號搵到.
  17. 精英盡出 消防搜救隊徒手挖石
  18. 釘契工廈塌簷篷壓工人 長30米石屎鍘斷腳掌

睇埋[編輯]

連出去[編輯]