清潔香港運動係香港一項全港性嘅公眾教育同宣傳活動，由政府透過唔同渠道推廣保持環境清潔嘅訊息，包括電視宣傳短片、電台聲帶、海報同橫額、報章專題同報道、清潔比賽、巡迴展覽，以及多種語言嘅小冊子等。香港社會將亂拋垃圾嘅人稱為「垃圾蟲」，相信亦係源自呢個宣傳活動。另外，當年亦有唔少受歡迎嘅明星藝人參與宣傳，成功引起市民對清潔環境嘅關注。
