城門水塘

出自維基百科,自由嘅百科全書
Jump to navigation Jump to search
針山望落城門水塘

城門水塘(英文:Shing Mun Reservoir),曾叫銀禧水塘(英文:Jubilee Reservoir),香港水塘之一,喺新界城門城門谷上截,歸荃灣區。城門水塘,一九三七年全部落成,供水亦送到香港島。二十世紀六十年代,東江水來,水塘西南下游,另有下城門水塘,歸沙田區。所以,有時城門水塘會叫上城門水塘,以資識別。城門水塘,間中又上指城門水塘同下城門水塘。

本文城門水塘,只講銀禧水塘。一九三五年,英王佐治五世登基廿五年,水塘就快完工,所以起名銀禧水塘,以作紀念。

為城門水塘,以及上游涌流集水,菠蘿坳對上,涉及城門八村,要搬到其他方。當時八村,老圍( 大圍 )、白石窩、碑頭肚、石頭見、芙蓉山、南房肚、大碑瀝、張屋(河瀝邊),分散到錦田大埔,以及和合石粉嶺上水等,重新置村。居民主要客家人,有八百五十五人,姓鄭為主,亦有張、高、羅、鄧、曾。政府收購原本種植,同畀賠償金,方便佢哋買田地維生。