執政黨（英文：Ruling party），係一個獲得國家政權嘅政黨，一般係國家元首、政府首腦或者地方行政長官所屬嘅政黨，或者係以其他形式掌握執政權嘅政黨。而喺民主制度之下，所謂嘅「執政權」係指治理國家嘅權力，亦即係實際控制立法、行政嘅權力，但就唔係真正掌握國家制度嘅權力。執政黨擁有依法組織政府同制定政策嘅權力，同時要負起政治責任，維護佢哋嘅執政權，否則就會喺下次選舉成為在野黨，甚至喪失國家層面嘅政治活動地位。
