基圖利奧華加斯

出自維基百科,自由嘅百科全書
華加斯

基圖利奧華加斯葡文Getúlio Vargas1882年4月19號1954年8月24號)係巴西律師同政治人,巴西南大河州嘅聖博爾亞(São Borja)出世。喺1928年至1930年期間出任南大河州長,亦做過第17同20任巴西總統,先後響1930年到1945年、1951年到1954年在位。

1930年佢作為自由主義者同盟候選人參加總統競選失敗,而喺軍隊「尉官派」支持下發動政變,推翻代表大莊園主同埋大資產階級利益嘅專制政府,11月3號出任臨時政府總統。1934年7月頒布新憲法,第一次規定女人享有選舉權。7月17號當選總統。1937年11月10號,佢以社會「騷亂」為藉口,解散國會,取締包括共產黨法西斯主義者整體黨嘅一切政黨,確立自己嘅統治地位。又廢除1934年憲法,另訂新憲法,建立被稱為「新國家」(Estado Novo)嘅極權政府。佢對巴西進行過重大嘅政治、社會同經濟改革。1945年3月創立巴西工黨。10月軍人發動政變,佢被迫下台。

1951年,華加斯再次當選總統,繼續推行溫和嘅社會改革同獨立嘅外交政策。1954年8月,國內保守勢力以軍事政變要脅佢無條件辭職。1954年8月24號佢抵受唔住各方要求辭職嘅壓力,喺總統府內以手槍自殺身亡。