基數效用喺經濟學上係指效用嘅一種，唔單只講到決策者偏好邊個結果，仲講到偏好有幾強，即係偏好嗰個結果同冇咁偏好嗰個比，「好佢幾多」。
要理解基數效益，可以睇下量度層次嘅概念。舊陣時嘅效益，只係做到比較大細，而基數效益就進一步可以比較差距，唔只知道 A 同 B 兩個選項邊個比較好，仲可以表達好啲嗰個選擇「好對方幾多」。
