基隆河
基隆河係位於臺灣北部嘅河川，亦都係淡水河嘅三大上游支流之一，全長86.4公里[1]，橫跨新北市、基隆市同臺北市。基隆河雖然以「基隆」為名，但係實際上主流、支流主要分布於新北市同臺北市，實際流經基隆市嘅河段只有大約15公里（佔17%）。
概況
[編輯]基隆河發源於新北市平溪區嘅分水崙，而河流水系最遠嘅源流係佢嘅支流芊蓁林溪，發源於獅公髻尾山（又叫火燒寮山）東方偏北側標高約560公尺處，水系河長約96公里，流域面積大約493平方公里[2]。主流由新北市平溪區開始後，往東北流經新北市瑞芳區，進入基隆市暖暖區之後轉彎西流，匯集到七堵區、新北市汐止區，再進入台北市，流經南港、內湖、松山、中山、士林、大同、北投等區，最後喺關渡匯入淡水河。
基隆河大致可以分成三段：[3]
基隆河昔日喺西、荷、清、至日治鐵路運輸暢通之前，利用船隻，可以由淡水河口趁潮水直通峰仔峙（後來改稱水返腳，依家叫汐止），改搭獨木舟抵達暖暖，再上岸改行陸路越過獅球嶺抵達基隆港。西班牙人稱為基馬遜河或者奇馬松河（Quimazón; Kimazón）[4]:290；荷蘭人繼續沿用西班牙嘅叫法，喺《大台北古地圖》亦都叫里族河（Ritsouquie revier），1655年《熱蘭遮城日記》記載為雞籠河（Quelanghsche reviere）；[5]另外有峰仔峙港、大隆同溪、內港北溪、基隆溪川、基隆溪、基隆川等多個名稱。
地形
[編輯]基隆河上游向東北偏東流動，經過三貂嶺之後，轉向東北偏北，經過猴硐之後，河谷逐漸開闊，水流轉向西邊，由瑞芳往下，河道非常曲折，流經暖暖、八堵、七堵、六堵、五堵、汐止、南港之後進入台北盆地，喺關渡附近匯入淡水河。上游由源頭到瑞芳大約30公里，發源於平溪菁桐附近，同相鄰嘅景美溪支流大溪墘溪呈谷中分水，河谷狹窄呈V字形，谷中巨礫遍布，岩床裸露，瀑布、壺穴地形特別發達[6]。十分到平溪一帶受到新世晚期地震同火山等作用嘅影響，河階分布，向東流經十分瀑布之後開始深切，形成峽谷地形，回春地形特別明顯，著名嘅景色有嶺腳瀑布、十分寮瀑布、野人谷瀑布、暖暖壺穴同大華壺穴等。到三貂嶺附近向東北偏東嘅流路逐漸轉為向北，並且喺瑞芳附近急轉，向西流動，形成曲流[6]。流經瑞芳距離海岸只有1.5公里，之後進入和緩起伏嘅丘陵帶，河谷逐漸開闊，到八堵、松山同汐止之間有廣大嘅河床平原，喺南港附近進入臺北盆地。進入臺北盆地之後進入下游河段，一直到關渡為止，河床係沖積層，土質鬆軟，呈現顯著嘅自由曲流，喺臺北盆地蜿蜒穿梭[6]。
主要支流
[編輯]
- 基隆河：新北市、台北市、基隆市
- 貴水二溪：台北市北投區
- 磺港溪：台北市北投區
- 外雙溪：台北市北投區、士林區
- 堀川：台北市中山區、中正區、大安區
- 內溝溪：台北市內湖區、新北市汐止區
- 草濫溪：新北市汐止區
- 大坑溪：台北市南港區、新北市汐止區
- 四分溪：台北市南港區
- 下寮溪：新北市汐止區
- 北峰溪：新北市汐止區
- 叭嗹溪：新北市汐止區
- 北港溪：新北市汐止區
- 康誥坑溪：新北市汐止區
- 智慧溪：新北市汐止區
- 禮門溪：新北市汐止區
- 茄苳溪：新北市汐止區
- 鄉長溪：新北市汐止區
- 保長坑溪：新北市汐止區
- 鹿寮溪（友蚋溪）：基隆市七堵區
- 瑪陵坑溪：基隆市七堵區
- 拔西猴溪：基隆市七堵區
- 大武崙溪：基隆市七堵區、安樂區
- 暖暖溪：基隆市暖暖區
- 𫙮魚坑溪：新北市瑞芳區
- 深澳坑溪：基隆市信義區、新北市瑞芳區
- 相思溪（係深澳坑溪嘅一小支流，喺"相思嶺"同"六坑"之間由東北方向注入深澳坑溪）
- 新寮溪：新北市平溪區
- 灰窯溪：新北市平溪區
- 芊蓁林溪：新北市平溪區
- 三坑溪：新北市平溪區
主要橋樑
[編輯]
- 社子大橋：連接北投區同士林區社子地區嘅橋樑。
- 洲美橋：連接北投區同士林區洲美快速道路嘅橋樑。
- 百齡橋：連接士林區同士林區社子地區嘅橋樑。
- 承德橋
- 台北捷運淡水信義線基隆河橋
- 水管橋
- 汐止五股高架橋(南下)
- 中山高速公路圓山橋
- 汐止五股高架橋(北上)
- 中山橋
- 松江大橋
- 大直橋
- 內湖橋（1992年拆除）
- 中山高速公路內湖橋
- 民權大橋
- 麥帥二橋
- 麥帥一橋
- 彩虹橋
- 成美橋
- 成功橋
- 環東大橋
- 南湖大橋
- 台北捷運文湖線基隆河橋
- 北山大橋
- 南陽大橋
- 社后橋
- 新社后橋
- 中山高速公路基隆河四號橋
- 樟江大橋
- 福爾摩沙高速公路基隆河橋
- 中山高速公路基隆河三號橋
- 江北二橋
- 江北大橋
- 禮門橋
- 汐止貨運車聯絡道橋
- 星光橋(基隆河景觀橋)
- 長安大橋
- 新長安橋
整治水患問題
[編輯]
由於基隆河河道曲折，而且上游嘅平溪山區係臺灣雨量最多嘅地區，所以每當颱風或者豪雨來襲嘅時侯，容易造成下游地區嘅水患，於是喺基隆河進行咗兩次截彎取直工程。
第一次截彎取直
[編輯]第一次整治係喺1964年11月5日到1965年7月19日處理士林段嘅基隆河，中華民國國軍部隊由社子島掘開一條新河道，然後填平原河道同番仔溝，形成基河路、劍潭路、承德路四段三條道路。工程完畢之後，社子島變成社子半島，淨係留低福德綠地用作憑弔用途。
第二次截彎取直
[編輯]第二次由1991年11月11日到1993年11月10日，喺大直、松山、內湖同南港段實行第二次嘅工程，以便基隆河洪水嘅宣洩。工程完成之後，雖然臺北市下游段嘅水患得到改善，但係因為河道縮短令漲潮嘅河水逆流而上，造成中游段嘅汐止同基隆市嘅五堵等地區反而喺降雨量大嘅時侯經常發生水患。以下係修繕後原河道嘅利用變遷：
- 中山大直段：北安路、堤頂大道二段、美麗華。
- 內湖段：民權東路六段、行善路、內湖科學園區。
- 南港段：石潭公園。
關於松山段嘅截彎取直，喺前臺北市長黃大洲嘅《改造：基隆河截彎取直紀實》一書提到：數值模擬嘅結果，如果只有截彎取直，同原公告嘅內湖堤線（沿著河灣而建）比較，由於蓄洪量降低，河水水位會提高，低水水槽就必須要特別掘深，所以將截彎取直視為都市更新開發計畫比較恰當。截彎取直之後產生嘅「新生土地」，造就咗內湖科技園區同明水路嘅新興住商混合區同舊宗路嘅新興商業區[7]。
員山子分洪道
[編輯]後來又喺2003年到2005年其間喺瑞芳興建員山子分洪道，可以將上游嘅洪水分流排入東海，對中游地區嘅洪水防制有唔少幫助。
2015年9月強颱杜鵑吹襲臺灣，員山子分洪堰最高水位高達66公尺，分洪量每秒932立方米，分洪體積2021萬立方米，相當於8,100個標準游泳池嘅水量。經濟部表示，員山子分洪道可以將基隆河81%嘅洪水分流入東海，確保基隆河下游嘅北北基地區800萬人口倖免於水患[8]。
觀光景點
[編輯].jpg)
- 基隆河上游有大量嘅瀑布同壺穴地形，其中著名嘅景點有平溪嘅十分瀑布、眼鏡洞瀑布等。
- 平溪線沿線嘅基隆河溪谷有「平溪耶馬溪」之稱，被喻為「臺灣的保津峽」。
- 松山喺截彎取直之後開闢大佳河濱公園。
- 基隆河臺北市部分嘅兩岸，各設有15公里長嘅休閒用單車專用道。
- 下游近淡水河嘅沼澤地區，設有關渡自然公園，以保育同觀賞水鳥生態聞名。
交通
[編輯]
- 以下嘅鐵路全程沿基隆河岸行駛：
藍色公路
[編輯]基隆河喺花博展期內設置一藍色公路站點—大佳碼頭，可以喺呢度單點進出遊河同進出園區，來往美堤碼頭同錫口碼頭，並且喺花博之後繼續俾民眾乘搭。
| 碼頭名稱 | Station Name | 所在地 | 所在地區 | |
|---|---|---|---|---|
| 花博藍色公路 | ||||
| 大佳碼頭 | Dajia Pier | 台北市 | 中山區 | 大佳河濱公園 |
| →往美堤碼頭、錫口碼頭 | ||||
文獻
[編輯]- ↑ 〈e河川知識服務網 名詞庫〉。e-river.wra.gov.tw。經濟部水利署。原先內容歸檔喺29 September 2020。喺29 September 2020搵到。
- ↑ 楊萬全，認識淡水河流域的水文，台灣水文論文集，2000年5月，第524頁
- ↑ 《淡水河水系河川環境管理計畫規劃》。新北市板橋區：經濟部水利署第十河川局。2013年。ISBN 978-986-03-7491-9。
- ↑ 艾斯奇維 (2003–12)。李慧珍·吳孟真·周佑芷·許壬馨·李毓中翻譯。〈哈辛托·艾斯奇維（Jacinto Esquivel）神父1632年所寫「福爾摩莎島情況相關事務的報告」〉。《台灣文獻》。國史館台灣文獻館。54 (4): 284–305。
{{cite journal}}: CS1 maint: date format (link) - ↑ 翁佳音 (1998–06) [原荷文報告1654年]。〈第二章·基隆河流域〉. 《大台北古地圖考釋》。台北縣立文化中心。頁 23–50。ISBN 957-02-2084-8 –透過掃描版國家圖書館·台灣記憶·台灣鄉土文獻影像；數位版抄本中研院台灣研究網路化。
{{cite book}}: External link in|via= - ↑ 6.0 6.1 6.2 杜友仁，龔任義，李錫堤 (國立中央大學應用地質研究所)。〈基隆河流域之河階地形分析〉。國立中央大學應用地質研究所。原著喺2021-01-24歸檔。喺2015-09-16搵到。
{{cite web}}: Unknown parameter|dead-url=ignored (|url-status=suggested) (help) - ↑ 黃大洲，《改造：基隆河截彎取直紀實》，正中書局，2001年
- ↑ 員山子分洪隧道 內部首度公開 互聯網檔案館嘅歸檔，歸檔日期2019年8月20號，.，湯佳玲，自由時報，2015-11-19
外部連結
[編輯]
- 中華民國經濟部水利署基隆河整體治理計畫 Wayback Machine嘅版面存檔備份（水利署網站數位典藏，2009年）
- 中華民國經濟部水利署第十河川局 基隆河整體治理計畫(前期計畫) Wayback Machine嘅版面存檔備份