基隆茶餐廳
 | 呢篇文側重咗喺部分見解、事件或爭議。 |
.jpg)
基隆茶餐廳係香港九龍深水埗區一間茶餐廳，有兩間舖：一間喺深水埗北河街141號，恒貞大押嘅舊當舖樓下；另一間喺太子界限街24號地下。
因為老闆不時關注社區基層、幫助有需要嘅人，又高度支持香港反送中運動[1][2]，所以被視為黃店，但亦因為咁受到一啲親中派媒體嘅攻擊[3]。
事件[編輯]
香港反送中運動期間[編輯]
喺反送中運動期間，老闆Cat姐喺餐廳內貼咗唔少聲援運動嘅標語，更加去到現場發放物資。佢又話要保護年青人，批評香港警察對年青示威者嘅警暴行為[2]。
亦因為咁，基隆茶餐廳受到一啲親中派媒體嘅攻擊，另外喺武漢肺炎疫情初期，佢哋嘅店主同食客亦俾警察、食環針對，進行多次巡查。但係警察巡查基隆茶餐廳後就無巡其他食肆，有食客就質疑警方同食環署咁多人擠埋一齊入嚟，反而增感染風險[4]。
外賣盆菜質素被KOL雪姨攻擊[編輯]
内文：容可兒 § 評論盆菜事件
基隆茶餐廳喺2022年初曾經推出外賣盆菜[1]，但遭到KOL雪姨大力批評。由於雪姨將基隆茶餐廳嘅盆菜同兩間酒店嘅出品相比，好多人唔認同呢個比較，結果引來好多人對雪姨嘅批評[5]。
參考[編輯]
- ↑ 1.0 1.1 〈基隆茶餐廳新年盆菜訂滿 下輪預訂年初五起貨〉. 《大紀元時報 香港｜獨立敢言的良心媒體》 (香港中文). 2022-01-26. 喺2022-03-23搵到.
- ↑ 2.0 2.1 民間全民電視公司 (2019-09-19). 〈香港反送中破百日 各行各業當年輕人後盾〉. 《民視新聞網》 (繁體中文). 喺2022-03-23搵到.
- ↑ 〈黃店作亂實錄1/「亂港一條街」 黃店還在播「獨」〉. www.takungpao.com.hk. 喺2022-03-23搵到.
- ↑ 鄭翠碧 (2020-04-14). 〈【新冠肺炎】基隆茶餐廳店主及食客批警察、食環針對多次巡查〉. 《香港01》 (香港中文). 喺2022-03-23搵到.
- ↑ 新假期 (2022-01-26). 〈雪姨盆菜事件懶人包！踩基隆茶餐廳兼賣廣告引雪崩級公關災難！刪試食片網民唔收貨＋茶餐廳現身回應終逼雪姨發道歉聲明｜網絡熱話 | 熱話〉. 《新假期》 (美國英文). 喺2022-03-23搵到.