塊規

塊規

用起來塊塊會貼實，達致精準。

呢套一百一十二件

驗塊規

塊規用來度長度短，度得非常精密，精度以一微米計，寫到毫米後三位小數。高至參照級，誤差少過半微米計，低至工場級誤差至多二微米半。一盒會有規格證明，而寫有塊塊誤差。

一八九六年發明，瑞典技師卡熱或約翰信整出來。之後成為精準架生必備，用佢來校正儀器。卡尺、正弦規都會用到。

佢靠塊塊唔同長短貼理一齊。塊塊都係長方體。一般用少啲塊規，咁累積誤差會少啲，但就算用好多塊，都唔會點誤差法。

塊規要夠硬淨，難以磨損。又要唔易變壞。一般用鋼合金，其他合金都有，陶磁都有。至精準用燒結碳化物，或者叫硬質合金，好似碳化鎢、碳化鉭咁。

塊塊都磨到特定厚度，磨得非常精準，而且接面同接面平行。

佢黐到實一實，實情靠接面非常平滑，非常貼實，做成光膠現象，兩塊要面分子間，生出分子間作用力。

平時㩒咗油，免得同空氣接觸變壞。用時必需袪油，清潔乾淨。收返就抹返浸油上去。

度嗰陣，室溫要喺指定溫度，皆因塊規都屬物質，會熱脹冷縮。塊規出廠時，會喺指定溫度嗰陣度。指定溫度以外會度得唔夠準。若果手揸得塊規太耐，大細都會有變動。